Popular Bible Verses from Tayitùs 1

Share

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Inug ijìm ya zḛ abə bəd mbe ne ìtɔb fìŋ zḛ. Àsi bəd mbe ne chəyi ìtɔb fìŋ zḛ, chəyi inug mbe zḛ inɔb. Chəyi fìŋ ze zḛ abə wə̀d ne chəyi wì nɔŋi ibḛfiŋ igun Kristo. Tesiʼ ya gha, ìtɔb tikɔndi fɔrɔ ìtɔb fìŋ fə bə mànì.

Wì yaʼ wə̀d ne nyìme inug mbe ne mbi ya chwiti ibo imbə̀ʼ Kristo kwàʼ icheg chɔm. À ya inug ne tì wə̀d nɔŋi fìŋ igun. Wì beri ni nyimi inug kwàʼ icheg chɔm imbə̀ʼ kyeri icheg ni ya nə̀rə mə̀mbin ane inug chɔm ne wì biri ya chwìte inɔb bə̀ ya chwìte abə bəd mbe ne tàŋà inug imbə̀ʼ Kristo imbə̀ʼ icheg ne à ya inug tesiʼ.

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab. Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Wə̀d ne yaʼi atog wə̀d inga ifeti bəd Kristo mənyìʼ yaʼ wə̀d ne chəyi bəd beri anug tibɔ̀ŋ mɔ̀ʼɔ ni ghà imbə̀ʼ aməd. Wì beri ni nam àyi məyi imɔʼ bə̀ chùghi məyi tì àyi we imɔʼ. Bɔn məd beri ni yaʼ bɔn ne bḛ Kristo bə̀ yaʼ bɔn ne chəyi mbe bùrə̀ isiŋi kə̀ ghìyə̀ tìzughə̀.