Popular Bible Verses from Rom 4

Share

Chəyi ibḛfiŋ məd igun Ŋwiye ya bɔri. Chəyi wì ya bə jə̀m anug ne Ŋwiye ya kàʼi ibo. Məd ya chè imbìghè ni taŋ nɔ̀ŋì ibḛfiŋ igun Ŋwiye bə̀ ya ghùmnə Ŋwiye. Wì ya nɔ̀ŋì ibḛfiŋ igun Ŋwiye bə̀ kyèri gha Ŋwiye we tì wì fàʼ anug ze ne wì ya kàʼi.

A ze inga Àŋwàʼrì Ŋwiye gha; “Mə fə ghì gha àghò si yaʼ mbaʼ abə iben nɔʼ nɔʼ.” À ya Ŋwiye we ne Abràham ya nɔŋi ibḛfiŋ igun ne beri ika ni zwèmni iwu bəd nàʼ ìtḛ̀ inɔb. À ya məd bə bèrì ika ni ghì gha ighi ne chəyi angu mbe yaʼ.

À ya məd Yeso, Anɔŋisəg we ne Ŋwiye ya cha, wì ku imbə̀ʼ ìmba inug tibɔ̀ŋ. Ŋwiye ya zwemni aməd ane iwu ni ghì gha tì təm kòʼ imbìghè abə Ŋwiye.

Abràham ya nɔ̀ŋì ibḛfiŋ igun Ŋwiye bə̀ nɔ̀ŋì ikɔndi chɔm ni ghɔ̀m anug ze ne Ŋwiye ya kàʼi. Ka chəyi wì ya jiʼì bèrì aton mɔ̀ʼɔ ni nɔ̀ŋì ikɔndi ni ghɔ̀m, wì ya bə̀ kiri nɔŋi ibḛfiŋ igun Ŋwiye bə̀ nɔ̀ŋì ikɔndi se ghɔ̀mɔ̀ anug ze ne Ŋwiye ya kàʼi ibo. Abràham ya ghì ane, Ŋwiye ghi məd si yaʼ mbaʼ abə iben nɔʼ nɔʼ icheg ne Àŋwàʼrì Ŋwiye gha imbə̀ʼ aməd gha, “Bɔn ane àze aghaŋ inəbi biri nɔʼ icheg titəm iməg.”

Anug ze ne Ŋwiye ya kàʼi ya yèʼe anjìm ibḛfiŋ ni chwi gha à ya Ŋwiye nàʼi ako abə bəd məjìm ane aghaŋ inəbi Abràham. Kayi məyi abə bəd mbe ne nɔ̀ŋɔ̀ mə̀nɔ̀ʼɔ̀, à ya fɔrɔ abə bəd mbe ne nɔŋi ibḛfiŋ igun Ŋwiye kwàʼ icheg Abràham. Abràham ya se mbaʼ mbègtog ina mba məjìm ne nɔŋi ibḛfiŋ igun Kristo.

Àbɔrɔ̀bɔd ze igun bəd mbe ne Ŋwiye fə waʼi ìmbɔb inug tibɔ̀ŋ, bə̀ chì ìmbɔb inug tibɔ̀ŋ. Àbɔrɔ̀bɔd ze igun wə̀d we ne Anɔŋisəg fə waʼi inug tibɔ̀ŋ məd ne chəyi wì biri ywiri nɔʼ wendi ka.

A ze inga Àŋwàʼrì Ŋwiye gha, “Abràham ya nɔ̀ŋì ibḛfiŋ igun Ŋwiye kwàʼ icheg chɔm. Ane, Ŋwiye ya niŋ aməd ane wə̀d ne təmi kòʼ ibo imbìghè.”