Popular Bible Verses from Rom 10

Share

Àmə yaʼ ane àghò fìʼì ìwe ichug ghà gha, Yeso ya Anɔŋisəg bə̀ bḛ inga ìze fìŋ gha Ŋwiye ya zwemni aməd ane iwu, àghò biri pum.

À ya anjìm ibḛfiŋ ne wə̀d we tə̀mə kòʼò imbìghè abə Ŋwiye. Wə̀d mə bə̀ ghà ane ìwi ichug gha zìye bḛ, tengàŋ biri pum.

Ane, bəd ya nɔ̀ŋɔ̀ ibḛfiŋ igun Yeso Kristo anyumə̀ ne mbi ya zughi ikən chɔm imbə̀ʼ aməd. Bəd biri zug ikən chɔm gho̰ abə bəd mbe ne biri ya chètè ikən chɔm imbə̀ʼ Kristo.

Àŋwàʼrì Ŋwiye ze ghà gha, “Wə̀d ne nɔŋi ìwi ibḛfiŋ igun məd, chəyi tengàŋ biri bèrì tìnìrètog.” Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd. Àŋwàʼrì Ŋwiye ze ghà gha, “Wə̀d ijìm ne kàrà ikum Anɔŋisəg, wì biri pum”.

Ane, bədtɔm kə ghi ghò iye ni chètì ikən chɔm we abə bəd ne chəyi Ŋwiye chà awɔb? A ze inga Àŋwàʼrì Ŋwiye gha, “À ya kwàʼ anug chɔm gha bəd mbe ne chètè ikən chɔm mbe yèʼe.”

Si ya gha, mbi kə ghi chè iye ni kàrì aməd gha wì pumnə awɔb ne chəyi mbi nɔŋi ibḛfiŋ igun məd? Mbi kə bə̀ nɔŋi ibḛfiŋ igun məd iye ne chəyi mbi ya kweʼì zug anug mɔ̀ʼɔ imbə̀ʼ aməd? Mbi kə ghi chè iye ni zug anug mɔ̀ʼɔ imbə̀ʼ aməd ne chəyi wə̀d mɔ̀ʼɔ ne ya ghò chètì ikən chɔm inɔb imbə̀ʼ aməd?

Mə̀nɔ̀ʼɔ̀ Muse fə nwḭ̀yḛ̀ igun Kristo, ni ghì gha wə̀d ijìm ne beri ibḛfiŋ igun Kristo, wì fə təm kòʼ imbìghè abə Ŋwiye.