Popular Bible Verses from Inug ne si nwḭ̀yḛ̀ 8

Share

Anyumə̀ ne Ŋwan njə̀g ya fìʼì afeni ìnen ne pè ane ìsàmbe, isiŋi ya nyi zù tizi ikaŋ àbɔ̀ŋɔ chùghi icheg aba awà fìbì.

Angirə̀ mbègtog ya fə ìzi tì tàŋ. Ane, awḛ fɔrɔ iywid ne ya nyàmba tì anəm ya kwebe igun isəg. Aba isəg amɔʼ inga iba itad ya bere. Aba amɔʼ inga iba itad ane ized igun isəg fɔrɔ agyen zu ya bə̀ bère.

Ane, mə̀ ya nɔ̀ atog bàd fìnən kyen mɔ̀ʼɔ icheg izam ne yaya bàrà ibə̀m ikaŋ nè dèghè kwàʼ ane gì ka ka gha, “Wo ngəʼə! Wo ngəʼə! Wo ngəʼ kyen ne biri nyi igun bəd igun isəg anyumə̀ ne mbè angirə̀ mətad mbe ne si nwḭ̀yḛ̀ biri fə ìtɔb tì tàŋ!”

Angirə̀ ne ya beni abɔ̀ʼ ya fə ìzi tì tàŋ. Ane, ìkə̀mi iywid mɔ̀ʼɔ ne yaya bère icheg iwum ya sɔbɔ tùwə̀ inga igyi tìbà. Aba igyi tìbà amɔʼ inga iba itad ya bə̀ŋə̀ se anəm.

Angirə̀ we ne pè ane itad ya fə ìzi tì tàŋ. Ane, fitəm-məg kyen kyen mɔ̀ʼɔ ne yaya bère ikaŋ àbɔ̀ŋɔ icheg anam ya fen igun aba amɔʼ inga iba itad ane tigyi kyen fɔrɔ ìdùrì. Ikum fitəm-məg fe ya Ànwḭ̀. Aba igyi amɔʼ inga iba itad ya bə̀ŋə̀ se nwḭ̀ nwḭ. Bəd nɔʼ nɔʼ ne ya no mənib nwḭ nwḭ mbe ya ku.

Angirə̀ ne pè ane ikwè ya fə ìzi tì tàŋ, aba nyùmə̀ amɔʼ inga iba itad tì aba iməg amɔʼ inga iba itad fɔrɔ aba amɔʼ inga iba itad ane titəm iməg ya bə̀ŋə̀ se fḭ fḭ. Aba aneg amɔʼ inga iba itad tì aba izimi amɔʼ inga iba itad ya chughi afub.