Popular Bible Verses from Inug ne si nwḭ̀yḛ̀ 3

Share

Nḛ, mə təm inuʼ nəb se gɔ̀ngɔ. Wə̀d ne zughi ìmə gì, fìʼì inuʼ nəb, mə biri nyi inga nəb tì se fɔrɔ jə̀ghə inɔn.

Mə kyèri inug mbe ne àghò we ghìyə̀. Chəyi àghò we nɔ̀mɔ̀ kə̀ bə̀ zùyə̀. Mə kə̀b gha àghò ya nɔ̀mɔ̀ kə̀ gha àghò ya zùyə̀! Ane, icheg ne àghò yaʼi awe yaʼ azabi azabi, ne chəyi àghò we nɔ̀mɔ̀ kə̀ zùyə̀, mə biri chì ìmbum ibo igun ine.›

Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.

Mə kyèri inug mbe ne àghò we ghìyə̀. Nḛ, mə fə fìʼì inuʼ nəb ine ne chəyi tì wə̀d wubì. Mə kyèri gha ìwe ika kə yi, si ya gha, àghò fə ghì inug mbe ne mə̀ ya gha ine. Mə bə̀ kyèri gha, chəyi àghò to̰ amə .

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.

Àghò we gha, ‹Mo ya wə̀d ighi. Mə bèrì ighi nɔʼ nɔʼ. Chəyi mə̀ cheʼi aghi mɔ̀ʼɔ›. Si ya gha, chəyi àghò kyèri gha àghò ya wə̀d ngəʼ, ne bəd mbe nḛ̀ kə̀nə̀. Chəyi àghò bə kyèri gha àghò ya wə̀d fum ne yaʼi ifəg bə̀ yaʼ tì ìkyèri ikye.

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.

Mə biri zàmbi yeʼe. Àghò nɔŋɔ fìŋ igun inum, ni ghì gha imbə̀ʼ wə̀d mɔ̀ʼɔ si niŋ yi ineʼi we ne àghò bèri.

Nɔ̀ʼɔ angwḛ, ghì gha aghi ze ne si bùʼ inga ine imbə̀ʼ ze ku yi imbə̀ʼ icheg ne mə fə bàd gha chəyi inug mbe ne àghò we ghìyə̀ kiri bɔŋi mànì imbìghè abə ìmə Ŋwiye.