Popular Bible Verses from Inug ne si nwḭ̀yḛ̀ 22

Share

Mo ya Afà bə̀ yaʼ Omegà. Mo ya Wə̀d mbègtog bə̀ yaʼ Wə̀d ne si nwìyḛ̀. Mo ya Iko bə̀ yaʼ Ìnwḭ”.

Yeso ya ghà inum gha, “Zug, mə we se zàmbi yeʼe! Mə biri yeʼe tì chùd ne mə̀ biri nàʼ abə wə̀d imɔʼ imɔʼ icheg ne ìfàʼì wə̀d chwi.

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.

Yeso gha, “Mbə̀ zug, mə biri zàmbi yeʼe! Ŋwiye zì àbɔrɔ̀bɔd igun bəd mbe ne zùgrə inug mbe ne mbi ŋwaʼri inga àŋwàʼrì azo̰”.

Chəyi izimi biri ywìri yaʼ angu. Chəyi bəd biri ywìri kə̀b anam kə̀ achwi imbə̀ʼ icheg ne Anɔŋisəg Ŋwiye biri yaʼ ìwɔb ìzḛzḛ. Mbɔb biri tùmbì isəg icheg məfɔn kwàʼ ane ighə̀m imɔʼ.

Wə̀d we ne ghà inug mbo̰ ijìm, wì gha, “À ya tesiʼ! Mə biri zàmbi yeʼe!” À ya ane, Anɔŋisəg Yeso yeʼe! Anɔŋisəg Yeso ghiyə ìchɔ̀mì abə bəd Ŋwiye məjìm. À ya ane.

Mo Jɔn, mə we pàta wə̀d ijìm ne zughi inug mbo̰ ne biri dù icheg ne mbi ŋwaʼri inga àŋwàʼrì azo̰. Wə̀d mɔ̀ʼɔ mə̀ yètì anug mɔ̀ʼɔ igun inug mbo̰, Ŋwiye biri bə yètì aku ngəʼ kyen kyen ze ne mbi ŋwaʼri inga àŋwàʼrì azo̰ igun ngəʼ məd. Wə̀d mɔ̀ʼɔ mə̀ chì anug mɔ̀ʼɔ inga inug mbe ne mbi ŋwaʼri inga àŋwàʼrì azo̰, chəyi Ŋwiye biri bḛ gha tengàŋ jəg titam ane azed ze ne nàʼà ìtḛ̀. Chəyi Ŋwiye biri bə bḛ gha tengàŋ nyi inga ikye aben ìzḛzḛ we ne mbi ŋwaʼri inga àŋwàʼrì azo̰.