Popular Bible Verses from Inug ne si nwḭ̀yḛ̀ 19

Share

Tì taŋ gyendi awa bə̀ nàʼ ighumni abə Ŋwiye, imbə̀ʼ icheg ne nyùmə̀ fə kòʼ ne Ŋwan njə̀g biri nam. Àyi igən məd fə chuʼri ìwi nyɔd.

Ikum we ne yaʼi igun ndwi məd bə̀ fɔrɔ igun ìtìb aghog məd ya, “Ifɔn abə məfɔn fɔrɔ Anɔŋisəg abə itog bəd ijìm.”

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Aghə məd ya icheg inemi iywid. Wì ya zì ighi atog ifɔn nɔʼ nɔʼ igun àzi atog. Wì ya bèrì ikum mɔ̀ʼɔ ne mbi ŋwaʼri igun məd, ne chəyi wə̀d mɔ̀ʼɔ kyeri ikum we chèyi ane məd. Wì ya zì ndwi ne mbi ya chùbi inga anəm. Ikum məd ya “Ìngam Ŋwiye”.

Ibeg ibid tɔ tɔ ya dù ibo inga ichug. À ya ibeg ibid ne wì biri niŋ màʼ ibid chè iben ijìm angu. Wì biri tùmbì awɔb ane ika ijìm. Wì biri mḭ̀ titam vayìn inga asiŋi ze ne mbe mḭ̀yḛ̀ mənoʼ. Àzo̰ ya chwìye icheg ne Ŋwiyekɔʼ we taŋ gàŋa.

Mbi ya gwì nyam kyen ze bə̀ gwì wə̀dkə̀n we ne ghà inug ako ne yaya ghìyə̀ iyeti inug ane ìwi ikum. Wì ya chè anjìm iyeti inug mbe tàmbi bəd mbe ne mbi ya zi aneni ze abə nyam kyen ze igun inɔb bə̀ tàmbi bəd mbe ne yaya ghùmnə aghi-ŋwiye məd. Mbi ya màʼ nyam kyen ze bə̀ màʼ wə̀dkə̀n inug ako we izɔm inga asiŋi ne sɔfɔ̀ we ghìyə̀ iywid kyen bere.