Popular Bible Verses from Inug ne si nwḭ̀yḛ̀ 16

Share

Anɔŋisəg Yeso gha, “Mbə̀ nḛ, mə biri yeʼe icheg iji! Ŋwiye ziye àbɔrɔ̀bɔd igun wə̀d ne chughi ikyèʼi bə̀ tàngi ìti ndwi nɔ̀ŋì ni gha imbə̀ʼ wì nɔʼ yèn tì ìkyèrikye si bèrì tìnìrètog inga bəd!”

Angirə̀ we ne pè ane tìfughə ya kwebi agaŋ ze ne ya yaʼi inga akaŋ məd igun igyi kyen we ne mbe kàrà ane Ufrèts. Anyumə̀ ne wì ya kwebi ane, igyi kyen we ya zɔm. Wì ya zɔm ane imbə̀ʼ tangi inɔnjì abə məfɔn mbe aba ze ne nyùmə̀ we dùwə̀.

Izwighi mbo̰ ya izwighi tibɔ̀ŋ mbe ne ghìyə̀ inug yeti yeti. Mbi ya dù ghò abɔ̀ʼ məfɔn məjìm igun isəg, imbə̀ʼ feti awɔb ane imɔʼ gha mbe fɔti màʼ ibid igun aneg kyen ze ne Ŋwiyekɔʼ biri saʼ isəg.

Mə ya bàd izwighi tibɔ̀ŋ itad ne yaʼi icheg ìsɔn. Mbi ya dù inga ichug abə tìsɔ̀ʼ jo ze, dù inga ichug abə nyam kyen ze bə̀ dù fɔrɔ inga ichug abə wə̀dkə̀n ne ghà inug ako.

Azuʼ ka ka ze ya tɔ̀n bəd mbe. Ane, mbi ya zɔ̀mbì ikum Ŋwiye we ne beri ika igun ngəʼ ka ka te. Si ya gha, chəyi mbi ya bə̀ŋi ìtɔb fìŋ ni se ghùmnə Ŋwiye.

Angirə̀ mbègtog ya ghò kwèbi agaŋ Ŋwiye ze ne ya yaʼi inga akaŋ məd igun isəg. Anyumə̀ ne wì ya kwebi ane, ìfìʼì ne ya fangi bə̀ se chè ati ya dù igun bəd mbe ne mbi ya zi aneni nyam kyen ze igun inɔb. À ya bəd mbe ne ya bə ghùmni aghi-ŋwiye àzi nyam kyen ze.

Izwighi mbe ya feti məfɔn mbe ane asiŋi ze ne mbe kàrà ane ìngam Hibrù gha Àmagedɔ̀n.