Popular Bible Verses from Inug ne si nwḭ̀yḛ̀ 14

Share

Mə ya si zug gì mɔ̀ʼɔ ne ya ghàmi ikaŋ àbɔ̀ŋɔ gha, “Ŋwàʼra gha: Bəd mbe ne ku ni ko amad anìŋ se ghò imbìghè, ne yaʼi ane ifɔti tì Anɔŋisəg, Ŋwiye ziye àbɔrɔ̀bɔd igun inɔb.” Azwighi Ŋwiye ze gha, “E, à ya kwàʼ ane. Mbi biri zwètì ane ìfàʼì mbe ne mbe fàʼà imbə̀ʼ icheg ne inug mbe ne mbi fə ghi biri beni abɔ̀ʼ inɔb!”

Ane ya gha, bəd Ŋwiye bèrì ni nyìʼ. Mbe bèrì ni nɔ̀ŋì mə̀nɔ̀ʼɔ̀ Ŋwiye bə̀ bèrì ni nɔ̀ŋì fìŋ igun Yeso.

Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Angirə̀ ne pè ane itad ya beni abɔ̀ʼ inɔb. Wì ya ghà ane gì ka ka gha, “Wə̀d mɔ̀ʼɔ mə̀ ghùmni nyam kyen ze bə̀ ghùmni aghi-ŋwiye məd, mbi mə̀ fə bə̀ zì aneni igun akəŋi isi məd kə̀ igun abo məd, Ŋwiye biri gaŋ abɔ̀ʼ məd si chə aməd. Ane ya icheg ni gha wì fə zì mənoʼ inga toʼ məd ne chəyi wì nyàmbi, ane ghì gha wì no. Ŋwiye biri chə tengàŋ ane iywid, inga sɔfɔ̀ imbìghè abə mbè angirə̀ ìzḛzḛ fɔrɔ imbìghè abə Ŋwan njə̀g. Ndiʼ ane iywid we ne Ŋwiye we chə awɔb biri se kɔ̀ʼɔ ghò ikaŋ àbɔ̀ŋɔ kwàʼ ane ighə̀m imɔʼ. Kə̀ àkə tisi kə̀ izimi, chəyi àzwètì biri yaʼ abə bəd mbe ne ghùmnə nyam kyen ze bə̀ ghùmnə aghi-ŋwiye məd. Chəyi àzwètì biri bə yaʼ abə wə̀d we ne zi aneni ze ne ya ikum nyam ze igun ìwi nyɔd.”

Mə ya nèn inum imbìghè bàd Ŋwan njə̀g ne ya təmi ikaŋ iwum Zayɔ̀n. Məd ya yaʼ tì bəd chuʼ iki ifibì tì ìghum ikwè chɔ̀b ikwè. Mbi ya ŋwàʼrì ikum Ŋwan njə̀g bə̀ ŋwàʼrì ikum Mbaʼ məd ane ìmbɔb ikəŋi isi.

Mə ya bàd angirə̀ ndəŋ ne fìrè aton ikaŋ àbɔ̀ŋɔ. Angirə̀ we ya bèrì ikən chɔm we ne təmi ane ighə̀m imɔʼ ni ghà abə bəd mbe ne yaʼi igun isəg; abə bəd inga iben ijìm, abə bəd inga tinəbi ijìm, abə bəd inga tìngam aben tijìm bə̀ fɔrɔ abə bəd məjìm isiŋi ijìm.

Angirə̀ ne pè ane ibe ya beni abɔ̀ʼ ìwi mbègtog we. Wì ya ghà gha, “Babilɔ̀n kyen fə buʼə! Wì fə buʼə! Wì ya ghì iben ijìm no mənoʼ ka ka. Mənoʼ mbe ya ikuchèg we ne mbɔb ya beri ni nɔ̀kì mə̀yi kə̀ nɔ̀kì mbaŋà abu abu.”