Popular Bible Verses from Fìlipì 1

Share

Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

Mə ya chàʼrà Ŋwiye inən gha, mbə̀ che imbìghè ni kɔ̀ŋ ìmbən məfi fɔrɔ ìtən njàbi, bə̀ chè imbìghè ni kyeri tesiʼ imbə̀ʼ Ŋwiye. Mə ya bə̀ chàʼrà Ŋwiye inən gha, mbə̀ kyeri inug ne yaʼi inug chɔm bə̀ kyèri inug ne yaʼi inug tibɔ̀ŋ. Mbə̀ ghiyə ane imbə̀ʼ kyeri icheg ni də̀b anug ne taŋ bɔ̀ŋ. Ane, mbə biri chughi inga ìzḛzḛ anene ghò pè ane aneg ze ne Yeso Kristo biri ywiri yeʼe, ne chəyi tì wì bàd anug tibɔ̀ŋ mɔ̀ʼɔ inga ìwən ìtḛ̀.

Mə ya ghàmà anìŋ imbə̀ʼ icheg ne, inum, ni yaʼ izɔm ya ni ghumni Kristo. Àsi ni ku ya anug ne bɔŋi chè icheg ni yaʼ igun isəg.

Mà nyumə̀ ijìm ne mə kɔ̀ndɔ awən, mə ya nàʼà məyakà abə ìmə Ŋwiye.

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Anug ne mə taŋ kə̀bə̀, ne mə bə̀ taŋ nɔ̀ŋɔ̀ ikɔndi igun ya gha, imbə̀ʼ ze nɔ̀ʼ chwi gha mə beri tìnìrètog. Mə kə̀b ni bèrì fìŋ ka ka ni gha, inga ìmbum inug ijìm, kə̀ àkə iwu kə̀ ìtḛ̀, mə biri ya ghùmnə Kristo mà nyumə̀ ijìm fɔrɔ amad anìŋ ne mə̀ yaʼi inga nəb ndəŋ .

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.