Popular Bible Verses from Mə̀Hibrù 5

Share

Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.

Mbə̰ ya kiri kə̀bə̀ gha wə̀d ndəŋ chwiti inug mbègtog imbə̀ʼ Ìngam Ŋwiye inən ne nji mbə̰ mbe se chwìte inug mbe abə bəd ndəŋ amad anìŋ. Mbə̰ mbe kiri awən icheg bɔn bɔd ne nyɔ̀ŋɔ ibən, ne nji mbə̰ fə se jə̀ghə tijəg ka ka. Wə̀d ne kiri kə̀bə ni nyɔŋ ibən ya kiri ŋwan bɔd. Chəyi tengàŋ kiri kyeri inug mbe ne Àŋwàʼrì Ŋwiye gha imbə̀ʼ anug ni təm kòʼ imbìghè abə Ŋwiye.

Ka wì ya jiʼì yaʼ Ŋwan Ŋwiye, ngəʼ ne wì ya zə̰ ya ghì wì zugri Ŋwiye ane inug ijìm. Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.