Popular Bible Verses from Mə̀Hibrù 1

Share

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ. Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Ane, mbè angirə̀ kə ighə? Mbè angirə̀ ya izwighi ne Ŋwiye cha gha mbe yeʼe fàʼ ni ya wètè bəd mbe ne Ŋwiye biri pumni awɔb.

Ŋwiye ya ywìrì ghà imbə̀ʼ Ŋwan məd gha, “O Anɔŋisəg, àghò ya tangi isəg bə̀ tàngi ikaŋ àbɔ̀ŋɔ ane ìmbe ibo bɔŋ isəg ya se ko. Isəg fɔrɔ ikaŋ àbɔ̀ŋɔ biri ghum chè nim. Àsi awe, àghò biri tèn ane ighə̀m imɔʼ. Isəg fɔrɔ ikaŋ àbɔ̀ŋɔ biri chə̀ icheg ndwi.