Popular Bible Verses from 2 Kɔrèn 5

Share

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Aghi ne nɔ̀ŋɔ̀ awa ya ibḛfiŋ, kayi ighi mbe ne te bàrà.

Inug mbo̰ ijìm nɔ̀ʼ abə Ŋwiye. Wì ya chè anjìm Kristo mànì achɔb tì ina. Wì fə zì àfàʼì ze ni mànì achɔb ina gha tì se fàʼà. Ane ya gha, Ŋwiye ya chè anjìm Kristo mànì achɔb tì bəd ni gha tì yaʼ bəd məd. Chəyi wì ya taŋi inug tibɔ̀ŋ bəd zì igun inɔb. Wì ya zì ikən imbə̀ʼ anug ni mànì achɔb inga ìta tikye ibo gha tì se ghà abə bəd.

Mba ya bəd ne təmi ane ikum Kristo. À ya icheg ni gha Ŋwiye we chè anjìm ina bòʼo ibo abə bəd. Ane tì we bòʼo ibo inən ane ikum Kristo gha mbə̀ mànì achɔb tì Ŋwiye.

Wì ya ku igun atog abə bəd məjìm. Wì ya ku ni gha imbə̀ʼ bəd mbe ne yaʼi izɔm ywiri chùghi awɔb ane ìwɔb ighəm. Mbe si chùghi yaʼ imbə̀ʼ aməd we ne ya ku Ŋwiye zwèmni. Ane, ni ko tèchɔ̀ŋ, chəyi te ywìrè nḛ̀ wə̀d icheg ne wə̀d-aku we nḛ̀. Ka tì ya bì kweʼì nèn Kristo icheg ne bəd-aku mbe nḛ̀, chəyi te ywìrè nḛ̀ aməd ane.

Aghi ze ne tḭ̀yḛ awa chà imbìghè ya igyendi imbə̀ʼ icheg ne Kristo kɔ̀ŋi awa. Tè kyèri ane imbə̀ʼ icheg ne wə̀d imɔʼ ya ku igun atog abə bəd məjìm. Ane, bəd məjìm fə bə̀ ku.