Popular Bible Verses from 1 Timotì 1

Share

Ajiʼi anug ne wə̀d ijìm kòʼi ni niŋ ya gha; Yeso Kristo ya yeʼe igun isəg ni pumni bəd inug tibɔ̀ŋ. Inga bəd inug tibɔ̀ŋ məjìm, mo ya wə̀d ne bə chè.

Ŋwiye ya chwi àsɔ̀mnəfiŋ inum, mo wə̀d inug tibɔ̀ŋ ne bə chè, ni ghì gha Yeso Kristo chwi ìwi inyimbifiŋ ne chəyi wì beri ìnwḭ. Àzo̰ biri chwi aneni abə bəd mbe ne biri bḛ Yeso, jəg ìtḛ̀ ighə̀m imɔʼ.

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

Tè bə̀ kyèri gha chəyi mə̀nɔ̀ʼɔ̀ ya yaʼi abə bəd mbe ne təmi kòʼ. Mbi ya yaʼ abə bəd mbe ne gùghə̀ mə̀nɔ̀ʼɔ̀, bəd ne ghìyə̀ tìzughə̀, bəd ne chəyi mbe ghùmnə Ŋwiye, bəd ne ghìyə̀ inug tibɔ̀ŋ, bəd ne chəyi mbi zḛ, fɔrɔ abə bəd ne chəyi awɔb ane anug Ŋwiye. Mə̀nɔ̀ʼɔ̀ ya abə bəd ne zwète ìmbɔb mə̀mbaʼ fɔrɔ ìmbɔb mbì ngɔb, fɔrɔ abə bəd mbe ne zwète bəd. Mə̀nɔ̀ʼɔ̀ ya bə̀ yaʼ abə bəd ne ghìyə̀ ifanì inug tì izṵ inug tì bəd ne fèndè bəd tì bəd ne ghàmà inug ako, tì bəd ne zɔ̀mɔ̀ nyɔd kiri gha anug ako, fɔrɔ bəd ne ghìyə̀ tiku inug ndəŋ ne chəyi mbi koʼi tì tikə Ŋwiye.