Popular Bible Verses from Lûm 10

Share

Ə ò pì ècho zɛze nə, “Njisə̀s nyi Pɛ̂pɛ” ə pomə nə Zhə̀fè ə tə zòmsè vəyn ekwu, ə ò tə sɔ fɨ.

Ə̀ nyi epomə̂ ə ghasènìze ə ze nə̂ nə ghâsènì ə nyi chichi ə Zhə̀fè əshi. Ə̀ nyi eghɛ zɛ ə ghâsènì pìə ə ghâsènì echo è pomə̂zè, ə ze nə̂ nə ghâsènì sɔ fɨ.

E za tyə̀nə̀ nə, pomə̂zè pə̀ ashìŋə̀ kɛ ə wùə zɨ tom ə̀ Fèzhə̀, mə ghɨghe kyi se ndàʼà tom èchùŋ ə̀ Klâys kə ghɨ pomə sê vəyn.

Ŋwàʼlè ə̀ Fèzhə̀ pi nə, “Nâʼàpî ndè vɛ ə è pomə sê vəyn tə kwɨlə̂ va è gho ə zomghe.” Pî nə zɨnə̀ nyì sê nâʼàpî ndè kûmə̀ nə sə nɨŋ va sê ghɨ ghɛ ə̀ nyì ghə Njûsghè, è ghɛ ə̀ vachi ghə Njûsghè. Zhə̀fè nyi Pɛ̂pɛ kè sê ghɨ ghəkɨ̂m, pɔsə̂ nâʼàpî ndè achûŋ vɛ ə è tɔŋə ndû sê Vəyn. Ŋwàʼlè ə̀ Fèzhə̀ pìə nə, “Nâʼàpî ndè vɛ ə è tɔŋte zɨə Pɛ̂pɛze nə è fi za zhi, tə kyîə ndò sɔzaze.”

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Pîza ghənə kaʼa tɔŋə zayn vəyn nə è fi za ghənə mə ghənə paʼà pomə̂ se vəyn ə? Ghənə kaʼa pomə zayn ezhoghɛ ghənə nyi ndɔ̀ʼɔ zɨ tomə? Ghənə kaʼa zɨ zayn tom ə̀təyn ezhoghɛ wùə va se ndàʼà zə̂ynzè se ghənə?

Klâys ə nə̀yn fɨ̂aʼ zɛ ə lâŋkè tè kyi se nə̀yn, nyiəmə, nâʼàpî ndè vɛ ə è pomə sê Vəyn nyi chichi ə Zhə̀fè əshi.