Popular Bible Verses from Lûm 1

Share

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ə̀ nyi fâ ə tom èchùŋ ə Zhə̀fè tyə̀ paynsə̂ kə è nə̀ ghɨghe e nyi chichi ə və shi. Ghɨə nyi chichi ə Zhə̀fè əshi kûmə̀ èpomə̂ zɛ ə ghənə kyi. E nyi nyiəmə kə nyi mə ə nyàʼ ə ŋwàʼlè ə̀ Fezhə̀ nə, “Wùə vɛ ə è nyi chichi ə Zhə̀fè əshi kûmə̀ èpomə̂ zɛ ə è kyi.”

Ə zhə̀te kə Zhə̀fè tè pom mbi, fɨa vɛ ə è tè pom, ve tyə̂nə̀ ndò se ghɨə nâʼà àchûŋ nə, fɨa ə Fezhə̀ vɛ ə ghɨə nyi ndɔ̀ʼɔ fe, nə ve nyi ndô səmɔʼ. E chwîtə̀ kəpî nə tyaʼa vəynke nyîə tsɨ̂ə tsɛ̂ ə̀ghɛ ə̀kɨ̂m mə ke vayn tə mì. Zɨnə mə chwîtə̀ nə ghənə kiva ghɛ zhîze se pì kə kaʼa lɛse fo ghənə

Pî kə ghənə ke nə Zhə̀fè nyîə nyi, ghənə ngɨmnə̂ va Vəyn kə Fezhə̀, fo va zɔ̀ŋnèkè sê Vəyn. Pîza kwâʼtè tə ghənə̂tè pɨl nyi ke tèkwâʼtè mə te kyi va tɔfze, ghɛ ghe nyi ə ghənə ətəm mə ə̀ lwiyn kê àlɨm ətəyn.

Ghənə ə zàmaʼà səmɔʼ kûmə̀ Fèzhə̀, pɨlə chumtə̀ èkwaŋ. Ghənə ə zàmaʼà sə̂ ngɨmnə̂ Fèzhə̀ fɛ ə Fe pom fɨave ekɨ̂m, ə pɨlə faŋə kɔʼsə̂ èfɨa vɛ ə È pom. Ə̀ nyi Fezhə̀ ə ghənə ə kyi sə̂ tsîtə̀ sə teshìŋə̀ tèkɨ̂m. Ə ze ə nyi ke zamə.

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Kûmə̀ zɨnə mə, Zhə̀fè ə njì tsɨ̂sè kwaʼtè ə Vəyn ze sê ghənə̂ ə zàmaʼà nə ghənə chumte ghɛ ə nyələ ghɛ ə wiyn mə ghənə̂ mè kyiŋə. Zəyn ghe zâ se nyɨ̀ŋə̀ è ndom ə ghənə̂ghè, pɨlə nyɨŋə̀ è zəyn ə ndôghè mə ze kiva sə̂ nyi zamə. Ndômnè ghe zâ kəpi sə̂ nyîŋə̀ è zənə əghənə kə ze kyi sə̂ nyi, e pɨlə fɔmə ndùə kə nə ghənə ə nyîŋə̀ è ndômnè ə mɔ̀ʼɔghe. Ndômnèghè nə̀ əghɛ ə ghoməghe yighə̀ ndômnè əmɔ̀ʼɔghe, zɨnə mə ə nə̀yn ghənə ghe kote pɔsê zɛ ə ghənə kyi sə̂ kyi kûmə̀ ə̀ghɛ nə ghɨ̂yn ə ghənə mɔ̂m. Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

Ghənə kwâʼtə̀ kə nə ə tɔfə ndò pîza nyi engô. Ghənə tə se ngɨmnê ə Fezhə̀ fɛ ə Fe nyi sə teshɨ̀ŋə̀ tèkɨ̂m. Ghənə pɨlə ngɨmnə̂ èfɨa mə ghɨ fɛtə̂ ègho ə ghənə̂ghè, ve fusə̂ è fɨa vɛ ə ve kwuə. Fɨa ətəynve kyaʼà kə, əghɨ msɔ̀ŋghe, kə mnɨŋ, kə senyam è kɨsè kə sezhò.