Popular Bible Verses from Ətefɨ̂aʼ 11

Share

Ə̂ pə̀ kə è kyiŋ fe vəyn, è və njiə ndûə è vəyn ə Antyòk. È və ke ndam yî vəyn fu sə pîŋ èfɨ̀plè, ghənə əpɛ̀ e tsɨ̂yntə̀ yighə̀ ghɨ ndɛ ə̀ Fezhə̀ghe. Ghənə ə zaʼlə̂ ə̀ghɨ pomə fu ghe tsɨ̂ə kə nyi. Ə tè nyi Antyòk kə tè zhə̀te se tɔŋtə sechùmtè sə Njisə̀s sè nə əghɨ ə Klâysghè.

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m. Pànapàs vɛ ə tiynse fu tè nyì ke nâʼà wùə èchùŋ, fɛte kyi èpomə, mə è və lwiyn è Zuʼ se Ŋwaʼase. Ghɨghe ə pomə Fèzhə̀ kûmə̀ vəyn tsɨ̀ə kə nyi.

Mə ke fe səmɔʼ nə Zhə̀fè ə fo foze sê ghɨ ghɛ ə̀ vachi ə̀ghɨ ə Njûsghè kèpi kə fe tè fo sê ghâsènì kə ghâsènì tè pomə sê Pɛ̂pɛ Njisə̀s Klâys. M nyiə tè nyì nâʼà ndè se tàm eghɛ zɛ ə Zhə̀fè tè kyi se nə̀yn ə.” Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”