Popular Bible Verses from Romans 14

Share

Amuno vino vyakula vyalusya muwufumu wakwe Leza vis'avyakulya nant' avyaku­ng'wa, ukuwa nkandi uwulungamane, umutende, nichimwemwe vino Umuzi­mu Mwimichile wukupanga. Wensi wino akapyunjila Klistu mumwatanye woo akasechelesya Leza nawantunye wakamuwanzya.

amuno ndi tuli nuwumi, tukutela swe wa Mfumu, nanti nditwa­fwa, atutela tukufwila mu Mfumu. Achaleka nanti tuli ulumi pamwi nanti nditwafwanye, naponye tukulanga swe wa Mfumu.

Achaleka fwandi, twazipila uku­chita ivintunye vyoo vino vikaleta umu­tende, akuli kusimpisyania.

Achaleka fwandi, tutize tuwapa­nzyania. Ukuwa mwazipila ukuchita choo: mutize muwachita chimwi chino chingapunuzya umwinaso, pamwi uku­leka aponela muluwembu.

Amuno amawaliko Matele yavwanga yati, Imfumu yavwanga yati, Pano ne­mumi, awantu wonsi walinsokowalila, mbali nukuyizumilila kuno ne Leza. Swensinye-pyu, tuliyiluwululila pa­kwe Leza.

Pochelelanji umutonte mwisu­wilo, ukuwa mutize muwapa­nzyania nawe mwakwe vino akwelenga­nia.

Ngawenji weweni we­muntu ukupanzya umuwomvi wakwe winji? Achakwe yisikulu ukupanzya ndi akuchita ichete pamwi pole, apano angawomba ichete, amuno Imfumu ayino ingaleka achite wowonye.