Popular Bible Verses from Mateyu 24

Share

Uwuwipe wulinyama wuta­lalizye ulukundo lwawantu. Ukuwa wino wiza wazizimichizya wafika na­kunsilo alitulwa.

Nilandwe zima lyoo ilya Wufumu wamwiyulu liliwa­landwa munsi yonsi, liwe achipani­chisyo kumyiko yonsi; ngapano insilo iyize.

Muliyivwa imbilikiti yisumo ikupala­mila, mwivwe nilandwe lyisumo uku­tali; ukuwa yivwani mutize muwata­mika ivintunye vyoo vilila vile vipone, lelo vyovyonye visinakusula kuno insilo ilitela yiza.

Insi zilisambuchilana zi­walwa, namawufumu yaliwachichizana. Kuliwa ivinkumbili nivizumanzi konsi­nye, ivintunye vyoo vyonsi viliwa ngati awulumila wakutalika uwa­mpapo.

Iyulu ninsi vilizimanjika; ukuwa amazwi yane yatalizimanjika.

Amuno awantu wavule waliwakwizila mwizina lyane, wawa­tumpika wakuti, Nenenye ne Mesaya!

Apano mulilemwa mulemekwe kukuyimvwa, mukomwe nukukomwa. Imyiko yonsi iliwawavitilwa amuno anene. Pampindinye yoyo awavule walisumba isuwilo lyawo; wakutililana nukupatana, Awatumwa wavule awawufi walikatuka watumpike awantu wavule.

Yesu atolelela awanena ati, Chenje­lani, mutize muleke wumwi ayize awatumpike.

Muno achonye-choo, fwandi namwenye mwazipila ukuyisengania, amuno Umwanamuntu aliyiza pampi­ndi yino musinakwelengania.

Achaleka fwandi lolelanji, amuno mutamanya uwanda wuno Imfumu yinu iliyizila.

Ukuwa kweni pasi nanti wenga wino wamanya ukwiza kwawanda wo­wonye nant' apimndi-nanti awange­linye awamwiyulu, nanti a Mwananye; nkandi Umukwasi wenganye-nsu awino wamanya.

Amuno kulikatuka wa Mesaya wawufi nawatumwa wawufi; waliwachita ivimanyilo vikulu nivizu­ngusyo alyakuti wangasovya nukuche­njezya awasolwa wakwe Leza, ndichi­ngachitwa.

Ukwiza kwa Mwana­muntu kuliwa ndivino chino chaponile pampindi yakwe Nowa. Ndivino mumanda yano intalala yachilinji ukwiza, awantu walyanga nukung'wa, awonsi nawanachi watwalananga, ukwizafika napawanda wuno Nowa winjizile muwato; naponye wata­manyile chimwi isuka intalala iyiza iwakumpichizya wonsi. Wowonye avi­no chiliwa pano Umwanamuntu ali­wakwiza.