Popular Bible Verses from Luka 3

Share

Walile awantu wonsi wabatizwa, nu Yesu-nye abatizwa. Ala vino akupepa, kwiyulu akwiyuka, e Muzimu Mwimichile ayika peweliwe, walolekanga ngati ankunda. Nizwi alifuma mwiyulu aliti, Wewe wemwanane umukundwe. Nkusechela nawe nkani.

Yohani awanena wonsi ati, Nenji nkuwabatizya naminzi, ukuwa kukwiza winji wino wakula wandusya. Wino ntanga nzipile ukusapula indyatu zyakwe. Weyonye aliwabatizya nu Muzimu Mwimichile numulilo.

Fwandi aleni chitanji ivintu vino vinga­lanjizya ukutontolokwa kuluwembu lwinu. Mutize muwafwa nukuyi­nena muwati, Tuli nutatakulu e Abra­hamu. Nenji nkuwanena nkuti, Leza angasenda amawenye yaa ayapilule yawe alikwata lyakwe Abrahamu!

Impasa yazunzulwa kukukoma umuti mwisika; achaleka umuti wonsi wuno wusinakukoma ivikomwa wukaputulwa awusumbilwa mumulilo.

Ndivino chawalikwa mwekalata wamutumwa Ayizeya ukuti, Wumwi wapundanga mulumpa­lang'ang'a: akuti, Yaniani ekumba wa Mfumu e Leza; molole inzila! Yizuzyani imikonko yonsi, muwulumule nimyamba nimilundu vitambalale. Ninzila nyongane zyololoke, ninzila mbipe zitelepe. Awalawa wonsi walilola itulwa lyakwe Leza!