Popular Bible Verses from Matiu 12

Share

Nu te chekeni iara ka ghotilo na, kau narane fate na, naiknore ginauna na rurutha ka God eidi nafnata cheke te theo nafudi teke chekedi thedire. God ginauna jateula tuana eghu fate ghami ghotilo ka unha te chekedi ghotilo re. Jame te chekedi ghotilo glepo te kelire mana ginauna chekeni ne theome jafra ghotilo teuna. Nu jame te chekedi ghotilo glepo te diꞌare mana ginauna chekeni ne jafra ghotilo teuna.”

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Naugna tuana, te chekeni iara ka ghotilo na, ihei te loku jafra ba cheke faparini God na, God ginauna tangomana te hata fadeleidi nakhibogna mana re. Nu ihei te cheke faparini Tharunga te Blahi na, God ginauna theome tangomana te hata fadeleidi nakhibogna mana re.

“Gaju te keli na ginauna ure sisi te keli, nu gaju te diꞌa na ginauna ure sisi te diꞌa. Tutuani, gaju te gnafare tahati kafe filo glanidi kau sisidire. Eghume ginauna jateula tuana eghu tahati laseni naikno tuana ka nakarhagna nei puhigna teure.