Popular Bible Verses from Ululahu Korin 6

Share

Ba, ghotilo theome laseni thinimi ghotilo gre jateula Sugablahi nogna Tharunga te Blahi teuna!? Tharunga te Blahi na au ke lamnami ghotilo, eigna God neke tusu mei ka ghotilo. Ghotilo theome nomi themi, naugna God neke foli fapulo ghamihi ka nakhibo mala fasnagla ghami. Eghuteuna tabagna teke foli ghami ghotilo na biꞌo fara. Eghume thinimi ghotilo re mala kilo fnaknoni God kolho.

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.

Ghotilo thosei leghuni puhi gnognoro na! Keha nakhibo te edi naiknore au ka gaoghatho kolho theome loku fodu ka thini. Nu iheire te gnognoro re thofno fathonadi fara thinidi thedire.

Keha ka ghotilo cheke eghu, “Naugna iara leghuni Kraes, iara tangomana te eni unha te magnahagheni thegu na.” Igne tutuani, nu gobigna lepore theome mala togho nigho eghu. Eghume, neuba iara ne tangomana te edi gobigna lepore, iara theome snakreni kaisei puhi te mala funei fruni ghau na.

Tutuani, ka nogna nolaghi God neke fakarha fapuloni Lord Jisas kau glehe, eghuteuna God ginauna jaola fakarha fapulo ghita ka nogna nolaghi na.