Popular Bible Verses from Tatike pine Uonore 22

Share

Aure rebe Alfa kai Omega le Aure menai kai pamuli.

Imi nete Yesuse Eni hnaune meije: “Takwali mo Au luake suike reneka kena Au lelie ete pusue tamata lulu saisa rebe esi onore.

Alla Eni Rore kai Domba Anaije Eni bina rebe iono kena kaije esi koti be, “Mai!” Sire rebe ilene, suke ibeteke lekwe be, “Mai!” Kai sire rebe kmalakeni, lomei! Kai sire isuka, irana kwele rebe eono tamata ikwana eti pelare, kwele mere seli mo.

Alla Iono tamata rebe esi tetake esi lapu nanukaru eti uputire lalesi ndina le esi supu kbasa kena kusu kota mere esi meture leke esi kane ai rebe eono tamata ikwanare esi buaiju.

Yesuse Ibeteke be, ‘Au luake reneka. Sie rebe esi lulu lepata rebe mei buku meije esi supu misete.’ ”

Esi perlu lampu kai kabalane moneka le kpeture sae mo le Tuhane Alla ruaI hitasi. Tatike pine sie rebe esi hlaleke lokoIje esi pleta sakesa kaiNi eti pela.

Ile rebe Ibeteke lepata mei buku meije Iombe, “Tinai, Au suka luake reneka!” Au Yohanese, au ralake be, “Tinai! Tuhane Yesuse, Aluake noma! Ariluke misete ete pusue tamata rebe hlaleke loko Allare noma! Amine.” Hlamate, Yohanese

Sire rebe ilene loko lepata kena buku meije, au Yohanese, au ahnau be, “Imi tapa sasaisa kena lepata meiju yake, mo hoko Alla Itapa imi hukumane kena susata elaka rebe lekilu kena buku meije ete imire. Kai imi hleke sasaisa bei lepata meiju yake, mo hoko Alla lekwe Iono imi kusu kota misete titinaije mo, kena ikane ai buai rebe eono tamata ikwanare, rebe lekie mei buku meije.”