Popular Bible Verses from Mateos 19

Share

Jesús cạvacsi jéyacsi: —Anicdye meꞌ, muntyiꞌ in jam tupuj ĉụiꞌ c̣hoñi in, Jenꞌ tupuj jiꞌc̣honacsi ĉaĉaij na itŝiꞌ méquiꞌ carij Jenꞌdyes.

Mọꞌdyes aty jam päräꞌ muntyiꞌ cạvacsi Jenꞌ, jeñej yirity qui mọmoꞌ. Mọꞌdyes muntyiꞌ in aty jam raꞌ pạrejmun yụꞌtacsi in ĉaĉaij na Jenꞌdye yiriꞌyaꞌ yụꞌtacsi.

Vorjeyacsi Jesús: —¿Jam adac p̂eyetiñeꞌ miꞌin ọij Jenꞌsiꞌ sánacdyeꞌ muꞌ? Yiꞌ, tashcheꞌ jiquej muꞌ Jenꞌ jämꞌtacsi muntyiꞌ in, sonꞌ judyeyaꞌ p̂en jämꞌtacsi. Yi muꞌ Jenꞌ: "Meꞌdye qui muꞌ muntyiꞌ yacchuqui ĉụiꞌtyiꞌ jenꞌ muꞌ judyeyaꞌ tseꞌ muꞌ, paj qui pạrejti p̂entum bäꞌyi, aty qui jam päräꞌ muntyiꞌ cạvacsi Jenꞌ, yirity buꞌyi cạvacsi Jenꞌ.

Jesús jéyacsi jịꞌchiyactyiꞌ muꞌ: —Jam raꞌ ñutsjeĉunacsi miꞌin uts miquiꞌmuntyiꞌ in, paj yụ́yaꞌ atsij in. Tyi chuc sitity raꞌ Jenꞌyaꞌ in ayoꞌbuꞌyedyeꞌĉan muꞌ, muꞌin raꞌ jeñej buꞌyi uts miquiꞌmuntyiꞌ q̂uinꞌ in.

Muꞌin mujuꞌchaty q̂uinꞌ in, muꞌin raꞌ uyaꞌyaꞌ shupqui in, muꞌin na uyaꞌyaty q̂uinꞌ in, muꞌin raꞌ mujuꞌchaꞌ shupqui in.

Tyi chuc farajjeyaqui ĉụiꞌsiꞌ jedyeꞌ in, judyeyaꞌ chätidyeꞌ muꞌin paj qui cäc̣häꞌchun yụ in, muꞌin raꞌ soꞌmac bijodyeꞌ in. Tyi chuc yụ́dyes farajjeyaqui vojity muꞌ, judyeyaꞌ vojiꞌ muꞌ, judyeyaꞌ tseꞌ muꞌ, judyeyaꞌ jenꞌ muꞌ, judyeyaꞌ ạvaꞌ muꞌ, judyeyaꞌ acaꞌ muꞌ, judyeyaꞌ jac muꞌ, muꞌin raꞌ mujuꞌchaꞌ soꞌmac bijodyeꞌ in, cien quiꞌ raꞌ soꞌmac in. Chimeꞌdye raꞌ soꞌmac in paj qui Jenꞌyaꞌ bäꞌyi in.

Vorjajiti Jesús: —Mạꞌjeꞌ jụijyaꞌ jam jayej jedyeꞌ mi, jemoñeꞌ jiꞌmincaqui tas ĉụiꞌsiꞌ jedyeꞌ mi, judyeyaꞌ muꞌ querec̣ha soꞌmacsi mi muꞌin jayejjotaquity jedyeꞌ in, meꞌ raꞌ chat mọꞌyaꞌ bijodyeꞌ mi mạyedyeꞌcheꞌ, chat qui raꞌ q̂uinꞌdyemꞌ cäc̣häꞌchutim —yi jéte.

Vorjajiti Jesús: —¿Junꞌ dash meꞌ jiꞌjäquem jämꞌsiꞌ jedyeꞌ? Yirity mọmoꞌ jämꞌtyiꞌ muꞌyaꞌ. Mạꞌjeꞌ Jenꞌyaꞌ bäꞌyi jụijyaꞌ mi, jemoñeꞌ chiquepte yụꞌtacdyeꞌ mi.

Cuvij yụ jébadyeyac, dadamꞌ mọjoꞌchaꞌ carij muꞌin jedyeꞌtumtyiꞌ in paj qui Jenꞌyaꞌ bäꞌyi in ayoꞌbuꞌyedyeꞌĉan muꞌ, uyaꞌyaꞌdye carij jiyi yirity cameyo socorꞌmuñi yóquesĉan toꞌ mọꞌ —jéyacsi Jesús.

Yụ na jéyac, yirity muntyiꞌ yacchuiꞌ jụijyaꞌ ĉụiꞌsiꞌ p̂en muꞌ jam voꞌvoiꞌsiꞌ jụijyaꞌ mọꞌ, judyeyaꞌ qui vämi yocsiꞌcheꞌ p̂en jụijyaꞌ muꞌ, aty mọꞌ juchaj shupquiꞌ muꞌ.

Chat qui muꞌ Jesús jéyaqui jịꞌchiyactyiꞌ muꞌ: —Yụ jéyac, anic carij muꞌin jedyeꞌtumtyiꞌ in paj qui Jenꞌyaꞌ bäꞌyi in ayoꞌbuꞌyedyeꞌĉan muꞌ.