Popular Bible Verses from Santiagos 4

Share

Mọꞌdyes chiquemac Jenꞌ, fer buꞌjamꞌ dyich buꞌjaꞌ Sọyoꞌyaꞌ, mijam raꞌ damꞌ jụjbitiñeꞌ dyijyedyeꞌ mọꞌ, meꞌ jụijyaꞌ bäꞌyi miꞌin, yacchunac raꞌ mọꞌ.

C̣hẹiꞌyaꞌjemac Jenꞌ chat qui raꞌ muꞌ chimeꞌ c̣hẹiꞌyaꞌjinac. Juchajtumtyiꞌ miꞌin farajjevac juchaj miꞌin, yojdyemꞌ favac un o, meꞌjevac mọꞌ, c̣hiconꞌjevac. Miꞌin päräꞌ dyijyedyeꞌ cạtiñety, Jenꞌsiꞌ judyeyaꞌ jacches, jemoñeꞌ miꞌin jämꞌ yụꞌtaqui ĉụiꞌtyiꞌ ĉojtyiꞌ miꞌin.

Ọyaꞌyaꞌjeyacac dyijyedyeꞌ miꞌin Ayoꞌsiꞌyaꞌ vej muꞌ, chat qui raꞌ Jenꞌ mujuꞌchaꞌ yuꞌtyinac.

Muꞌ na Jenꞌ dadamꞌ fer ñútyisinꞌ ñịbeꞌjitidyesyaꞌ muꞌ. Sánacdyeꞌ yiꞌ: "Jenꞌ doroiꞌjeĉunacsi muꞌin vaꞌbunnaquity in, muꞌin na seꞌvetety in, jam vaꞌbunnaquity in, muꞌin mọmoꞌ nọ́tyetacsi ñịbeꞌjitidyesyaꞌ muꞌ."

Chị́yebijaty jụijyaꞌ rụijsis dyijyedyeꞌ Jenꞌsiꞌ muꞌ, jedyeꞌ chuc muꞌ mạꞌjeꞌ, jam qui namꞌ meꞌ junꞌtaĉaꞌyaꞌ, juchaj mọꞌ shupquiꞌ tsun.

Meꞌ tsanꞌ cọdyetinte Jenꞌ, jam qui namꞌ rụij cọdaqui miꞌin, mọꞌdyes qui muꞌ Jenꞌ jam jụjtyinac, ĉaĉaij na cäj cọdyetinte miꞌin, cäjsischeꞌ dyijyedyeꞌ cọdaqui miꞌin, paj qui ĉụiꞌsiꞌ dyijyedyeꞌ cạtiñeꞌ miꞌin.

Jeñej voꞌvoiꞌsiꞌ p̂en miꞌin, jam vämtyis dyijyedyeꞌ cạptes, meꞌ buꞌyi miꞌin, jam Jenꞌsiꞌ dyijyedyeꞌ cạptinte miꞌin, jacches mọmoꞌ dyijyedyeꞌ cạtiñeꞌ. ¿Jam chịj u miꞌin mạꞌjejaꞌ jụijyaꞌ jacches jedyeꞌ, fáquitiĉaꞌ Jenꞌtum, meꞌ shupquejaꞌ?

Mijam chịj miꞌin junꞌ chuc raꞌ nojno jiyiꞌ mạyedyeꞌ. Miꞌin jeñej buꞌyi jịꞌsaꞌ, meꞌ buꞌyi miꞌin, mọꞌ jam men buꞌyis, meꞌtuquimꞌ mọtsis, meꞌdye miꞌin chimeꞌ cavin mọtsi.