Popular Bible Verses from Santiagos 2

Share

Meꞌ buꞌyiꞌ chimeꞌ anicyedyeꞌ tsun, p̂eyacdyeꞌyaꞌ mọmoꞌ yéjaꞌ jụijyaꞌ tsun, jam qui namꞌ nọ́tacdyeꞌtum bäꞌjaꞌ jụijyaꞌ tsun, fibis mọmoꞌ shupquiꞌ mọꞌ anicyedyeꞌ tsun.

Jeshaꞌ, muntyis aꞌ tsun, itŝiꞌ tsạꞌsiꞌ jụijyamꞌ, aty mọꞌ säñis aꞌ. Meꞌdye mọꞌ chimeꞌ anicyedyeꞌ tsun, jam nọ́tacdyeꞌtum bäꞌjaꞌtyiꞌ Jenꞌdyes jụijyaꞌ tsun, fibis mọꞌ shupquiꞌ anicyedyeꞌ tsun jam yaꞌiꞌ.

Vojity, jam nọ́tacdyeꞌtum bäꞌjaꞌ jụijyaꞌ tsun, meꞌ tsanꞌ yéjaꞌ tsun, yụ anicjete Jenꞌ, fibis mọꞌ shupquiꞌ anicyedyeꞌ tsun, mọꞌ fibis anicyedyeꞌ tsun jam tupuj jiꞌc̣honsinꞌ tsun.

Vatyquej chimeꞌ yirity yi, "Yụ anicjeꞌ ọij p̂eyacdyeꞌ yiꞌsiꞌ: Muꞌyaꞌ yirity mọmoꞌ Jenꞌ." Anic tsanꞌ jämꞌ mọꞌ anicyedyeꞌ muꞌ, tacaꞌ qui namꞌ jayej anicyedyemꞌ. Jeshaꞌ, mọꞌin chimeꞌ sọyoꞌ in mọꞌ anicjeꞌ in, junꞌ chuc muꞌyaꞌ yirity mọmoꞌ Jenꞌ, meꞌ tsanꞌ meꞌ, mọꞌ qui namꞌ jam tupuj jiꞌc̣honacsiꞌ, noc̣hoꞌc̣hoyequiꞌ mọmoꞌ in quijnacdyeꞌtum Jenꞌyaꞌ in.

Vatyquej muꞌyaꞌ yirity yi jụijyaꞌ: "Jam vaj cäts buꞌjaꞌ tsun, yirity anicjejaty Jenꞌ, yoctyiꞌ na nọ́tacdyeꞌtum bäꞌjaty", yi muꞌ jụijyaꞌ. Jam na meꞌ, muꞌin anicyity mọmoꞌ in, jam qui namꞌ nọ́tacdyeꞌtum jụijyaꞌ in, jam jorojĉan mọꞌ anicyedyeꞌ muꞌin. Nọ́tacdyeꞌtum bäꞌyi jụijyaꞌ in, mọꞌ jịꞌĉocsebiꞌ anicyedyeꞌ muꞌin.

Jam ñịbeꞌ ĉọcsejaty jụijyaꞌ, meꞌdye raꞌ Jenꞌ jam ñịbeꞌ ĉúsinꞌ tsun chimeꞌ. Ñịbeꞌ na ĉọcsejaty jụijyaꞌ tsun, chat qui raꞌ ñịbeꞌ ĉúsinꞌ, jịꞌcäts yụꞌtacsiyaꞌ juchadyeꞌyaꞌ muntyiꞌ in.

Ọij jorojĉanjisinꞌ, jam anicyedyeꞌyaꞌ mọmoꞌ muꞌ Jenꞌ rụij yuꞌsinꞌ tsun, jemoñeꞌ nọ́tacdyeꞌtum bäꞌjaꞌ chimeꞌ.

Mọꞌ jiꞌchäquiyisinꞌ tsun Abraham jam anicjete mọmoꞌ, chimeꞌdye chiquete, chicacdyeꞌyaꞌ muꞌ mọꞌyaꞌ jịꞌcätsaqui anicyedyeꞌ muꞌ.