Popular Bible Verses from Tashches Timoteodyes 3

Share

Där jämꞌsiꞌ ọij p̂eyacdyeꞌ Jenꞌsiꞌ muꞌ, mọꞌ caminves jiquej, mọꞌ jiꞌjäctes muꞌ Cristo, muꞌ anicjejaty tsun. Yiꞌ: Muꞌ aꞌtum jiꞌcaviti jeñej muntyiꞌ yi. Jenꞌsiꞌ Ạꞌedyeꞌ muꞌ vañinyedyeꞌyaꞌ muꞌ, mọꞌ jorojĉanjisinꞌ muꞌ Jenꞌtyiꞌ Ạvaꞌ muꞌ. Anjer muꞌin cạvepte ferdyeꞌ in. Räj buꞌyiꞌ jac jiꞌjäcte in, yịjyi muntyiꞌ jacchety in anicjete in, aty meꞌsiꞌ mạyedyeꞌcheꞌ qui Jenꞌyaꞌ jịjcaban muꞌ, muꞌcheꞌ qui bäꞌban muꞌ.

Tyi chuc raꞌ meꞌ yụꞌtac jụijyaꞌ jemoñeꞌ tashcheꞌ rụij bäꞌyity, mijam raꞌ jụꞌñity, judyeyaꞌ yiritytyity p̂en. Jemoñeꞌ jämꞌ ĉujcatity ĉụiꞌ chimeꞌ judyeyaꞌ dyijyedyeꞌtumtyiꞌ chimeꞌ judyeyaꞌ chịj jiꞌdyäcacsity acaꞌĉan muꞌ judyeyaꞌ chịj chimeꞌ jịꞌchiyacsity Jenꞌsiꞌ p̂eyacdyeꞌ.

Judyeyaꞌ jämꞌ ĉọjcaquity ạvaꞌ muꞌ judyeyaꞌ p̂en muꞌ, paj qui jämꞌ chiquete in, judyeyaꞌ ạ̈räjjete in.

Muꞌin nọ́tacsity in jemoñeꞌ yiritytyity p̂en in, judyeyaꞌ jämꞌ ĉọjcaquity ạvaꞌ muꞌin judyeyaꞌ p̂en muꞌin. Muꞌin nọ́tacsity in jämꞌ carijtacdyeꞌ Jenꞌdyes shupquiꞌyaꞌ muꞌin in, räj raꞌ muꞌin muntyiꞌ in cạvacsebi in jämꞌsiꞌ dyijyedyeꞌ muꞌin, chat qui raꞌ jam muyejjoij in jịꞌchiqueyacsiyaꞌ in mọꞌ p̂eyacdyeꞌ Jenꞌsiꞌ muꞌ, junꞌ chuc anicjete in muꞌ Cristo Jesús.