Chätidyeꞌ mạꞌjeyacdyety yụ, miꞌin jam úĉandyety miꞌin, ọij jam ĉụiꞌsiꞌ bäꞌyedyeꞌ miꞌin. Mọꞌdyes yụ ferdyeꞌyaꞌ jéyac miꞌin, yacchuvac aꞌc̣his dyijyedyeꞌ aꞌsiꞌ miꞌin, mọꞌ räjĉan fáquitis jämꞌsiꞌtum dyijyedyeꞌ ạꞌedyes miꞌin. Jemoñeꞌ rụij bäꞌyi miꞌin muꞌinsiꞌyaꞌ vej muꞌin jam anicjetetyyaꞌ Jenꞌ in. Meꞌ rụij bäꞌyi jụijyaꞌ miꞌin, meꞌ raꞌ tsanꞌ ñäñinac in, väñädyeꞌyaꞌ jiꞌmeꞌtyinac in, muꞌin qui na raꞌ cavibunac in jämꞌsiꞌ dyijyedyeꞌ miꞌin, chat qui raꞌ aty ayijyaꞌ tupudyeꞌ, jịꞌcäts yụꞌtacsi raꞌ muꞌ Jenꞌ muꞌin raꞌ chimeꞌ timaꞌquete in miꞌindyes.