Popular Bible Verses from रूमी 14

Share

भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा। नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

अबू जमाकू परबूरिकुःआ होड़कू हवे। हनालगा अबू जीयतबू दोहोन, दो परबू लगाबू जियाःता अरूबू गोएग जुवाः दो, परबू लगाबू गुजुःता।

हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।

हनालगा अबू एटाः होड़कू अरू अलोबू बदीकू। मनदो अबू अँननबू अबू ओंगोल बुझावबाःगुः लगा इदा, ईंग तोनोंगीग होड़राः बिसवास दूर अते हाँय बहकावगेय लगा अलोयिंग रेडगेय, माःआन।

भगवानराः कागदरे परबू नाःआ इयाय कताकेरा, “ईंग कनाताबाःगेतना, जमा होड़कू ईंग मड़ंगरेकू उकुड़ोमगुःता, अरू हँकू जमाकू भगवानकू जागता।” हनन इया अबू जमाकू भगवान मड़ंगरे अँननबूराः बदीरे आभा एएमे पराःता।

ईंगरिकुःआ अजी बोपोहकूतिंग, बिसवासरे अबड़ इदानकुःआ, हँकुःआ होड़कू अहापे आड-बेकारवाकू अरू हँकू जाःता हना कताकून बदीरे, अपे अहापे अड़ा-चउकीःआ।

एटाः होड़रीग सेवादार फड़ियावगेय लगा आम इये हवे? हाँय सताये एचेयकेरा जा कोवान, हना हाँयरीग मनालिकतेन फड़ियावगेता। परबू हाँये संघरावायता। अरू हनालगा हाँय परबूराः ओंगोल इया सताये एचे अवेयता।