Popular Bible Verses from Откровение 22

Share

Хўаңа Альфаңӯңа, Омегаңӯңа, хўаңа сивулӣгуңа, киңулӣгуңа, хўаңа пӣнлыӷӯңа, кынлыңӯңалъю».

Иисус пӣқ: «Нагатык! Тагияҳтуҳтуңа! Акилыҳтӯсяҳқанка кылъқылъықанка налъяңиҳтуӷналюки югыт кияҳта̄лъҳистун.

Таӷныӷаклъю, Угӣӷнақылӷӣлъю пӣк: «Таги!» Тамаҳаӷмилъю нагалъҳӣ пили: «Таги!» Кина алңунак мықсюлӷӣ тагили; тугуклъиӷлигу акиңилңуқ мық уңувалъылитикаюк.

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.

Иисус пӣқ: «Нагатык! Тагияҳтуҳтуңа! Қуястыка̄гут қа̄ткулъҳӣт ӯкналиқылъыӷнун игақңалӷӣнун укутхун игатхун».

Тама̄ни унугнаниҳлъықа̄, кынылӷутаҳсюӷнӣӷулъықӣ, налиӷмың сиқиныҳсюӷнӣӷулъықӣ, қаюҳлъяк Атанық Кияӷнық ниӷукылъықа̄т. Иглыӷутилъықутлъю умӣлгулютың қӯнпырухлъяк кынлыңуна̄н.

Иисусыңӯқ а̄пҳилӷӣ тама̄кын қамахлъютың ипаңунилюки. Пӣқлъю: «Ипапыста̄қ тагияҳтуҳтуңа!» Аминь. Таги, Атанық Иисус! Наңлъыхталъҳа Атанымта Иисусым тамаҳаҳпысинилъи. Аминь.

Хўаңа, Иоанн, кылыңася̄ӷьюганка нагалъҳӣт ӯкналиқылъыӷнун игақыхкатхун укутхун игатхун. Китум алңунак иляра̄қаки ӯкналиқуткыхкат укуни игани, Кияӷныӷым аӷью̄ҳлъықа̄. Лъңанун илялъықӣ тама̄кут сыӷлылӣлъыҳлъягыт игақңалӷӣт укутхун игатхун. Китум алңунак икувикыхкаки ӯкналиқуткыхкат укуни игани, Кияӷныӷым иқилъықӣ ныңиҳқӣ пӣтыстыкат уқфиганың уңувалъылитикаюгым. Кияҳтысна̄нӷита̄лъю аглыӷналӷӣми ныҳлъягми. Та̄кук апыӷңа̄к укуни игани.