Popular Bible Verses from Откровение 19

Share

Қуятылъта, ынңа̄талъ қуяҳлъягылъталъю, усюқылътыхулъю! Пынъӣӷаҳа̄м ныңуҳтылъыҳқа̄ ка̄туқ, нулӣҳқа̄лъю ята̄ҳқума̄қ.

Аткуя̄ӷакунлъю, қухтуқа̄кунлъю игақңафтуқ атық хўатын: «умӣлга умӣлгыт, атанӷа атанӷыт».

Та̄хкын ысҳаӷақа қиляк қылъпылӷӣ, та̄ўа қатылӷӣ кӯни! Кӯникун иглыҳлъыҳӣм а̄тҳа «Ата̄сӣӷмылңуқ, Ипапик». Ылъқуӷутңа̄т нанқихтилъҳи, пилъюўақаңилъю аңуяни.

Ӣскык кумаӷулъҳатун кынӷым аюқлъютык, на̄сқумикун қаҳпалӷутылгуфтуқ. А̄тҳа лъңакун игақңафтуқ китум алңунак налъюкыхкаңа иўырңақун лъңина̄н. Аткуя̄ӷык атукык ныптыка̄фтук а̄ўкун. А̄тқыфта̄: «Кияӷныӷым Акузитаңа».

Қа̄нӷаның а̄нуқ ипылӷӣ сявихпак, та̄хун қамахтыңъўа̄ӷлюки накумӣт кая̄лъқуҳлъықӣ. Иглыӷулъықӣ сявикынӷаӷмың анагуталиӷлюни. Та̄хкын тутмаҳлъықӣ аңуяни катам югыт тутмаӷақылъҳистун виноградыт қагыҳқӯсигнилңӯт. Та̄на тутмалъық сякша̄лъыҳлъяка̄ Кияӷныӷым Аҳтуӷьяҳқаҳа̄нӷилңӯм.

Тугўа̄хкыт тыӷикусялъю̄гылъю, ӯкналиқистысиӷўа̄ӷылъю алъя̄ҳлъюўаҳтӣӷа̄тақақ таўанлъюку тыӷикусялъю̄к. (Алъя̄ҳлъюўаҳтӣқылъыӷмикун пӯҳқуқӣ налъюнӣлъыңыхкат тыӷикусялъю̄гмың, манигуқа̄тлъю наңаӷныӷа.) Тыӷикусялъю̄клъю, ӯкналиқистысиӷўа̄ӷылъю уңува̄хкынка милю̄та̄к на̄йвам кынӷанун кумаӷулӷӣмун уқумьягмун.