Popular Bible Verses from Откровение 14

Share

Та̄хкын нагақуӷақа қилягмың ма пилӷӣ: «Игақигу уна: Хўакын кынлыклъюку қуясяҳқа̄гут туқуяҳқат қыпҳа̄сималюку Атанық!» Таӷныӷак пӣк: «Қуянапыста̄ҳтут! Мыӷна̄лилъықут уӷлыӷӣлъыӷмыхның, югыт нықамикылъықӣт аныӷныҳқилъҳит».

Тама̄кут қамахлъютың хўатын писӣгут, Кияӷныӷым юги нуқынъыҳтупыста̄ӷьяҳқа̄гут. Тама̄куңӯт қа̄ткутңалӷӣт Кияӷныӷым қылӷуся̄нун, ата̄сӣӷмылъютыңлъю Иисусымун.

Игляхтупихлъюни пӣқ: «Аликитыху Кияӷнық, усюқитыху а̄ңылъыҳлъяга! Югның нанқихтилъыҳқа̄ ка̄тӯқ. Манигуҳтыху улимаӷикақ қилягамың, нунамың, кылъӣның, сыңъулӷӣныңлъю мыӷның!»

Пиңая̄к яқулгым малигутуқ сивулӣгнун. Игляхтупихлъюни пӣқ: «Китум алңунак манигуқумигу тыӷикусялъю̄к, наңаӷныӷалъю, алъхыҳсимакумигулъю налъюнӣлъық қагумикун налиӷмың ӣхмикун мыӷьяҳқақа̄ виноңа Кияӷныӷым сякша̄лъҳан. Та̄на вино мылӣмаңилңуқ кӯвыхкақ қаю̄симун Кияӷныӷым сякша̄лъқа̄! Кина алңунак манигӯткақ та̄кугнун икфиқыҳлъягьяҳқа̄гуқ кыныӷмилъю, уқумьягмилъю, сивуңитни аглыӷналӷӣтни яқулгыт, Пынъӣӷаҳа̄млъю. Кынӷым икфиқыстыҳлъяхлъықӣ, агыпся̄ маюҳлъықуқ қӯнпырухлъяк кынлыңуна̄н. Икфиқнаниӷна̄нӷитут аӷныҳтӯма̄н унухтӯма̄н, манигӯтка̄тмыхның тыӷикусялъю̄гмун, наңаӷныӷанун, налъюнӣқа̄тмыхныңлъю а̄тҳаның».

Та̄хкын ысҳаӷақа та̄ўа Пынъӣӷаҳақ ныкывӷалӷӣ На̄йӷами Сионым. Лъңанитутыфтут 144,000 югыт, қагумыхтыхун игақфикыхкат а̄тҳаның, Атаңанлъю а̄тҳаның.

Та̄хкын ысҳаӷақа иляңа яқулык тыңа̄лӷӣ қӯлваҳпани. А̄пҳӣ кынлыңилңӯт Пинилӷӣт Уңипат нунами кияҳлъыҳӣнун, тамаҳӣтнун нуната̄нилңуӷнун югнун, рамкынун, улюнун, югнунлъю.

Тӯңлиҳа̄н яқулгым малихта̄ сивулиқ, хўатын пимаӷми: «На̄вума̄қ! Вавилоныҳлъяк на̄вума̄қ! Вавилоным атуқилъҳа блудамың винотун аюқуқ. Виноминың мыӷысқуӷӣ қамахлъюки нунам юги, ынка̄м лъңиталъю блуд атуқсягута̄т. Ынка̄м таўатын пилъыӷмыхтыхун Кияӷныӷмун аӷью̄ҳтыслъықут».