Popular Bible Verses from К Филиппийцам 4

Share

Сюмыӷьялиткыхпына̄н сяңўа̄ алңунак. Йыӷлыги, сямың аклъюкуфси юӷаныҳпысини туңсиӷақитык Кияӷныӷмун тӯнысқылъюси. Ӣўлың туңсиӷақитык игамсиқаюлъылиӷлюси.

Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.

Ынка̄ңам ухпықа̄лгутымни, на̄ңнӣтаңакун посланияма уңипа̄сюўамси сюмыҳтаӷа̄ткумаңинӣсқылъюки пинилӷӣтлъю, усюқсяҳқатлъю хўатылңӯт: тама̄кут ипапигыт, қӯлваӷьяҳқат, ылъқуӷутңалӷӣт, пылюңилңӯт, пиниқсяҳқат, тама̄кутлъю пинитун акузиткысяҳқат.

Сяңўа̄ алңунак пияҳқақақа Христосыкун икнақуҳсяҳтымкун.

Ӣўлың қуяма̄қитык Атаныҳқун. Пинақлъя̄таӷамси, Қуяма̄қитык!

Ынка̄ңам Кияӷныӷма ята̄ҳқунъа̄ӷӣси сямың тамаҳа̄ның аклъюкыхкаҳпысиның аклъюңитылъыҳлъягмикун Христос Иисусыкун.

Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.

Нуқынъыҳтулъыҳси югым қамахлъюни лӣлъигу. Атанық тагияҳтуңыстаҳтуқ.

Иляңани нӯӷңаӷма кияҳтақуңа, иляңани сӣптӣлюңа кияҳтақуңа. Итагнаӷьягусима̄ңа нани алңунак сятулымтун кияҳнымни. Итагнаӷақуңа кыпсюӷңаӷма кияҳнымни, игатаӷңа̄ӷмалъю кияҳнымни, талўа аклъюмаӷңа̄ӷмалъю, аклъюнӷитыӷңа̄ӷмалъю.

Аклъюңунилюңа пиңунӷитуңа қаюҳлъяк натысяӷңа̄ӷма итагнаӷақуңа.