Popular Bible Verses from 1е Иоанна 1

Share

Иўырңа а̄пқумтыки сыӷлыҳқылъыпут Кияӷныӷмун, сыӷывусяҳқақӣлъю сыӷлыҳқылъымнъың, укмаңиӷьяҳқақӣлъюлъю тамаҳа̄ның анахутаӷалъымнъың қаюҳлъяк ата̄сӣӷмытуқлъю, ылъқуӷулъюнилъю аюқылӷӣңӯқ.

Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.

Сыӷлыҳқылъҳинъикумта пӯҳтыңъӯкут хўаңкунъың катам, ипапиҳқылъҳитукутлъю.

Уна уңипақ нагақуқаҳпут Иӷныӷаның Кияӷныӷым апыӷнақаҳпут лъпысинун, Кияӷныӷңуқ ниӷугӯқ, мамлылъықшахӣтуқ. Иўырңа илятңаникумта лъңанун нақам паниның мамлыгми кияҳтыңъулюта, иқлъыңиқңӯкут, атуқигатаҳпутлъю ипапиҳқылъық.

Сыӷлыҳқиганъикумта, Кияӷнық иқлъыңиқыстыңуҳлъықаҳпут, акузитаңилъю атуқңунӷитапут.