Popular Bible Verses from Tito 2

Share

Tachi Ak'õrepa jõmãɨrã́ unupisima ichi sõpiadepa ẽpẽrarã k'aripaparit'a. Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru. Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base. Piarã pedea jaratea base mi ãpia pida pɨ k'orea k'achia pedeapidaemaapa. Mãɨya jaratea baipɨra, pɨchi nek'ĩramaarã k'ĩranejasiadaipɨ. Ãchia mi ãpia pida tachi k'orea p'ue k'achia pedeadaiwẽma.