Popular Bible Verses from Ep'esio 6

Share

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

Chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ, mãra chaarea p'ananai k'orea, tiorea seapiemaapa.

Mãɨ k'orea chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ. Mãɨya tiorepa mĩesa oopiyá bɨde mãrapa p'ue choadaipɨ. P'uedak'ari chaarea p'ananaipɨ.

Mãɨ awara ne ãareaɨne Cristode ĩjãa p'anat'ɨ, papaká bɨpa ne ichi k'ak'ua k'aripaparí ichi juade uru bɨ jĩra. Tiorepa mĩesa oopiyá bɨde, chi ichia sia urua bɨpa t'ĩuparí jĩra bɨma. Maamina mãrapa Cristode ĩjãa p'ananaipɨra, choadaipɨ chi k'ak'ua k'aripaparipa sia urua bɨt'a k'iipipari jĩra bɨma. Mãɨnepa sõnepa minachia k'awat'ɨ Tachi Ak'õrepa mãra piarã k'aripasit'a, papaká bɨpa ichi poro ɨ̃rɨ ne chaarea jɨ̃pari jĩra. Mãɨ awara Tachi Ak'õre pedea ichi Jaoredepa minachia k'awat'ɨ. Tachi Ak'õre pedea k'ĩruuparí nek'o jĩra bɨma, nemietá p'uepari pẽra.

Mãɨpuru piarã pedea ĩjãa p'anɨnepa chaarea p'anat'ɨ, papaká bɨpa ichi k'ɨrrɨde ne p'ará jɨ̃ bɨ jĩra. Jĩp'a nipat'ɨ nemietá oopidaemaapa, papaká bɨpa ichi k'ak'uade ne chaarea bɨ jɨ̃pari jĩra. Chi pedea pia Tachi Ak'õre ome pia baidepema jarade wãnai k'orea p'anat'ɨ, papaká bɨpa chõone wãi k'orea ichi jĩrune ne jɨ̃pari jĩra.

Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ.

Moisepa bɨdade nãɨya jara bɨma: «Mãra ak'õre mãɨnepa mãra nae wap'ea p'anat'ɨ». Naena Tachi Ak'õrepa nãɨya k'aripayade a basima: Mãɨya oosidara, «Mãra nãɨ ĩjũane tãaraa pia tuananaipɨ».

Warrarã, mãra ak'õrerã pedea ĩjãat'ɨ Tachi Chiparipa k'ɨ̃ria bɨ jĩra, mãɨya jĩp'a bɨ pẽra.