Popular Bible Verses from 1 Corintio 1

Share

Mãɨpuru chi k'ɨ̃risia k'awaa berãmá mãra ne atua bepɨ. Maamina Tachi Ak'õrepa chi ne atua berã jɨrɨ atasima mãɨ k'ɨ̃risia k'awaa berã p'eradamẽrá. Tachi Ak'õrepa chi jua chaareawẽa berã jɨrɨ atasima mãɨ jua chaarea berã p'eradamẽrá.

Chi ẽpẽrarã t'ɨpɨ urua nɨbɨdea wãnai p'anɨrãmá, Cristo k'urusude piuda k'orea paritua pedea bɨ jĩra bɨma. Maamina tachit'u, chi Tachi Ak'õrepa k'aripapataɨrãpa k'awa p'anɨma mãɨ pedeapa Tachi Ak'õre jua chaarea k'awapi bɨt'a.

Ẽpẽrarãmá Cristo k'urusude piuda pẽra Tachi Ak'õre ne k'awawẽa bɨma mãɨnepa jua chaareawẽa bɨma. Maamina ne atua bɨ jĩra bɨmina Tachi Ak'õre jõma nãɨ ĩjũanepemarã k'aepẽra atepe k'awa bɨma. Mãɨnepa jua chaareawẽa bɨ jĩra bɨmina jõma nãɨ ĩjũanepemarã k'aepẽra atepe jua chaarea bɨma.

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

Ũpẽarã, Tachi Chipari Jesucristodepa mɨa mãrá chichupuria idiruma ará pia tuananamẽrá. K'ɨ̃risia k'ak'awá tuananaiwẽa p'anɨma, mãɨpari k'ɨ̃risia abaɨde ará pia tuananai p'anɨma.

Piarã Tachi Ak'õrepa nãɨ ĩjũanepema k'ɨ̃risia piawẽa bɨ k'awapisima. Mãɨpuru ¿chi minachia k'awa berã k'ãasãasidama? ¿Chi Moisepa bɨda jarateapataɨrã k'ãasãasidama? ¿Chi nãɨ ewaride k'ɨ̃risiadepa pedeapataɨrã k'ãasãasidama?