Popular Bible Verses from Romans 7

Share

Iqamsiqanaghhalek Kiyaghneghmun itemuskanganga Jesus Christ‑akun Atanemteggun! Enkaangam qaatkanka Kiyaghneghem Liilightuusii umyugamkun, iwernga yugusimkun qaatkaqa liilightuusaq seghleghqestilghii whangamneng.

Liisimakaqa avangitunga pinilghiimeng ilumni, yugusimni. Pinitun piyugaqsaghngaaghma, pipagningitaqa.

Pingigataqa pinilghii piyukegkaqa, yeghlegi seghleq piiqaqa piyukenghitkaqa.

Enkaam piyukenghitkaqa pinemkun, taawa whangangunghituq tawaten pilghii. Itupill seghleghqellghwaaquq ilumnilnguq tawaten piiqelghii.

Enkaam liitaqa taana: pinitun pinaqeghngaghma, paninang seghleq tawantaquq. Qaamkerugllak pinighyuugusiqanka Kiyaghneghem Liilightuusii.

Iwernga atuqegkumki ugumikegkanka atuqsunghiteghngaamki, taawa itagnaqaqanka Liilightuusat piniitangi.