Popular Bible Verses from Philippians 1

Share

Liisimakngwaaghaqa Kiyaghneq piinlighikaq pinilghiimeng qepghaqameng ilugpesini, ellngan apeghiighlleqaa Christ Jesus uteghniqan.

Yughaatkaqamsi piniqighllagesqellusi, liisimallengataghiisqellusi, liigikellengataghiisqellusillu. Tawaten lliiqufsi kiyaghtelleghpesini sangwaa pinilleghpigaq nakmikumanginaghyagulleqaghsi. Taagken Christ‑a taginqigtekan pelungillequsillu anaggutellghillequsillu.

Whangamni unguvalleq Christ‑anguuq, enkaam tuqulleq allgeghutaghallghuuq.

Iqamsiqayugvikaqaqa Kiyaghneqa elpesineng sumeghtaghaatkennemsi.

Sayaghngaatnga nagneghuteki kiyaghtaallesi Christ‑am apeghtullghatun Pinilghiitgun Ungipatgun. Enkaam esghaghyaghtuqumsi, nalighmeng aviiteghngaaghma nagaququmsi, liigikelleqaqa ataasistun pilleghsi. Liigikelleqaqallu qerngaghpesi nekevghannaqutkellesi Pinilghiit Ungipat anguyagpesineng.

Piyukelleghllakallu, sighimakelleghllakallu esgha taana, kayngusaghaatefqaama pinalunga Christ‑amun. Itupill kiyaghsugaqunga ilutulunga wataqaaghaq maaten anusimingllaghvigmetellemni. Enkaam Christ‑a quulvallengellequq unguvaghngaaghma, nalighmeng tuquyaghngaaghma.

Elpesinun qepghaasaqlegughtestekaqaa Christ‑a, ugpeqnginaghpenaan, ikfiqelgusiqesillu.