Popular Bible Verses from 2 Peter 3

Share

Ataneq egnaanginneghituq akequsani piyaghqaaluku, ilangita yuget sumeghtaghallghistun. Yeghlegi nekeggmetutaqiisi qayughllak kina alngunak iflayugunghilkanga. Itupill tamaghhaan yuuk avuteghqesqesugaa seghleghqellghitneng.

Ilakumtaamni, puygugpenaan una! Ataneghmi aghneq ataasiq thousand ayumiqullghestun ayuquq, thousand ayumiqullghet ataasitun aghneghtun ayuquq.

Iwernga nagneghtek wataqaaghaq liisimakluku Jesus Christ‑a, Ataneghput, Yugulighistevut, nagneghteklu wataqaaghaq piniqellghakun. Enkaam Christ‑a usuqelteggu, quulvaalteggu maaten, quunperugllaklu! Amen.

Iwernga Aghnegha Atanghem tagillequq teglegniightetun. Tawani Aghneghmi qilaga aviighusaghqaaguq eftughuuteghllagmeng. Sangwaat qamaglluteng qilagamelnguut kenghem ughuglleqii. Qamagllutengllu nunamelnguut paneghllequt.

Qamaglluteng tamaakut ughugyaghqaatangitneng, elpesi yugni natelnguunaqetsi? Kiyaghtaallesi pelungillit, Kiyaghneghmunllu ayuqlit, utaqiimalusi Aghneghanun Kiyaghneghem. Pinaqellghaghsi qamaglluku pinitun pitek aghneq tagiragkiighesqelluku. Tawani aghneghmi kenghem naafqelleqaa qilaga, maatneghemllu ughuglleqii sangwaat qamaglluki qilagamelnguut.