Popular Bible Verses from Romanos 7

Share

Mau Dachi Akõréburu Dachi Mechiu Jesucristod̶eeba mʉ karibai. Maud̶eeba mʉʉba ichíturu kid̶ibai aaruu. Biawãra mʉ kʉ̃risiad̶e Moisesba b̶ʉd̶a wau kʉ̃ria b̶uu, maamina nau kakuad̶e b̶uud̶eeba kachirua mʉ sõd̶e b̶uuba kachirua waubibarii.

Mʉʉba kuitaa b̶uu mʉ sõd̶e ne bia wãꞌãema. Biꞌia jaraaruubʉrã, mʉ nau kakuad̶e b̶uud̶eeba ara mʉʉba kʉ̃ria b̶uud̶eeba biꞌia poyaa waukau. Mʉʉba biꞌia wau kʉ̃ria b̶umina poyaa waukau.

Biawãra mʉʉba biꞌia wau kʉ̃ria b̶uu mau waukau, maumaarã kachirua wau kʉ̃riawẽa b̶uu mau waubarii.

Mʉʉba kachirua wau kʉ̃riawẽa b̶uu wau b̶umina, ara mʉʉba kʉ̃ria b̶uud̶eeba maka wau b̶uwãema. Maumaarã kachirua mʉ sõd̶e b̶uuba maka waubi b̶uu.

Maud̶eeba nau kuitaa b̶uu: mʉʉba biꞌia wau kʉ̃ria b̶umina kachirua mʉ sõd̶e b̶uuba kachirua waubibarii. Biawãra mʉʉba sõd̶eeba Dachi Akõreba Moisesmaa b̶ʉbid̶a ãrea biꞌia unu b̶uu.

Maamina mʉʉba kachirua wau b̶uu wau kʉ̃riawẽa b̶uud̶eeba mauba unubi b̶uu Moisesba b̶ʉd̶a mʉʉba biꞌia unu b̶uu.