Popular Bible Verses from Romanos 16

Share

Chi dachi jirukaraayuwãe b̶uabiabarii Dachi Akõreba kãꞌãabariwãed̶e Satanás poyaaped̶a machi juad̶e b̶ui. Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu. Ichi ab̶aburu nii. Ne joma kuitaa nii. Jesucristod̶eeba dachiba ewaricha ichimaa biꞌia berread̶ai panuu. Biꞌia b̶uu maka b̶uai.