Popular Bible Verses from Romanos 10

Share

Bichi iiba Jesús jomaurã Mechiu aaruubʉrã, maud̶e Dachi Akõreba ichi chokae jiradubid̶a bichi sõd̶eeba ijãaruubʉrã, ichiba karibai.

Biawãra chi mauba sõd̶eeba ijãaruubʉrã, chi Dachi Akõre daad̶e jipa nuree baara b̶uai. Iiba Jesús jomaurã Mechiu aaruubʉrã Dachi Akõreba karibai.

Biawãra ẽbẽrarãba Cristo ʉ̃rʉbena naa ũrid̶ai panuu, poyaa ijãad̶ai baita.

Dachi Akõre bed̶ead̶e naka b̶ʉ kub̶uu: «Chi ichid̶e ijãa b̶uuba bari ijãa b̶uabai». Dachi Akõre jomaurã Mechiud̶eeba judiorã maud̶e judiowãerã sid̶a arab̶aud̶e waubarii. Ichimaa chi chuburia id̶iiduu joma karibabarii. Dachi Akõre bed̶ead̶e naka b̶ʉ kub̶uu: «Chi Dachi Mechiumaa chi chuburia id̶iiduu joma karibai».

Dachi Akõreba ab̶a bid̶a bʉiwẽebʉrã, ¿saka jaradead̶e wãd̶aima? Dachi Akõre bed̶ead̶e naka b̶ʉ kub̶uu: «Chi bed̶ea bia jarad̶e needuu ãrea biꞌia nuree».

Maamina ẽbẽrarãba wabid̶a Dachi Mechiu Jesucristod̶e ijãad̶awẽa panuud̶e ¿saka ichimaa chi chuburia ʉtaa id̶id̶aima? Ichi ʉ̃rʉbena wabid̶a ũrid̶awẽa panuud̶e ¿saka ijãad̶aima? Maud̶e ab̶au bid̶a ãchimaa jaradead̶e wãwẽebʉrã ¿saka ichi ʉ̃rʉbena ũrid̶aima?

Maamina maka nuread̶ai baita, ãchi ley waubachid̶au audeara, Cristoba joma wausii. Chi Cristod̶e ijãaduu Dachi Akõreba jipa nuree unubarii.