Popular Bible Verses from Gálatas 5

Share

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau, waabenarã audeara biꞌia nuree kʉ̃risiad̶akau maud̶e dachi kakua jipa uru nureabadau. Mau ley wãꞌãe, joma mau jarad̶a «kachirua» ai baita.

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Dachi Akõre Jaurid̶eeba chokae panuud̶eeba ichid̶eeba nibad̶ai panuu.

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Dachiba chi nau kakuaba kachirua waubarii ãrea kuitaa panuu. Naubʉ: dachi kakuaba barikia kachirua waubadau, ne mia pera wau nibabadau, barikiu ome kĩra nejasia wau kʉ̃riabadau, Dachi Akõre kuenda juaba ne kaped̶aad̶amaa ʉtaa id̶ibadau, jaibanarãba waubadau, waabenarã kĩramaabadau, oa kachirua berreabadau, waabenarãd̶e ne uru panad̶ai kʉ̃riabadau, bari au kĩrubadau, waabenarã audeara biꞌia panad̶ai jʉrʉbadau, ãchi kakawaa kʉ̃risia uru panabadau, Dachi Akõre bed̶ea ãyaa jaradea panuud̶eeba ãyaa wãbadau, waabenarãba uru panuu kakua kachirua kʉ̃risiabadau, mia beabadau, itua biu nibabadau, kĩrajʉʉ bara b̶uabarii ewarid̶e ãrea kachirua waubadau maud̶e ne joma kachirua mau kĩra b̶ee sid̶a. Mʉʉba machimaa naed̶e jarad̶a kĩra waya jaraaruu: mau kachirua wau nuree Dachi Akõre juad̶e panad̶aabai, ichid̶irã baara.

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

Nau kakuaba kachirua wau kʉ̃ria b̶uu Dachi Akõre Jauriba kʉ̃riakau. Maud̶e Dachi Akõre Jauriba waubii kʉ̃ria b̶uu nau kakuaba kʉ̃riakau. Mau ãbua biꞌia panad̶akaud̶eeba machiba wau kʉ̃ria panuu poyaa waud̶aabai.

Moisesba b̶ʉd̶a nau bed̶ea ab̶aba joma jara b̶uu: «Ab̶au kʉ̃riáse ara bichi kʉ̃ria b̶uu kĩra».

Waabenarã audeara biꞌia nuree kʉ̃risiad̶aabai panuu, oa kachirua berrea duanad̶aabai panuu maud̶e ab̶auba uru b̶uu kakua kachirua kʉ̃risiad̶aabai panuu.

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.