Popular Bible Verses from 2 Corintios 4

Share

Maud̶eeba dauba unubadau daiba kʉ̃risia panuuwãe, maumaarã dauba unud̶akau kʉ̃risia panuu. Dachi dauba unubadau isa wãꞌãebarii maamina dauba unud̶akau wãꞌãekau.

Maud̶eeba daiba waa jaradead̶ai ida b̶ud̶ai kʉ̃risiad̶akau. Dai chi kakua ewaricha meserãaswãekãrimina Dachi Akõreba aid̶a b̶uu dai sõd̶e chaarea nuread̶amera. Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.

Dai ne jomad̶e ãrea biꞌiwãe panumina mau nebʉrad̶ebena poyaa wãd̶aabai kʉ̃risiad̶akau. Saka waud̶ai adua panuud̶e poyaa waud̶aabai kʉ̃risiad̶akau. Ẽbẽrarãba dai kachirua wau panumina Dachi Akõreba ida b̶uwẽa b̶uu. Dai jeed̶a jirataadumina poyaa bead̶aabai.

Daiba chi bed̶ea bia Cristo ʉ̃rʉbena uru panumina, nau kakua meserãaswãe b̶uu. Choko bari au ãribarii kĩra b̶uu. Maud̶eeba jomaurãba kuitaa panuu dai meserãad̶eeba mau bed̶ea jaradea panuuwãe, maumaarã Dachi Akõre meserãa mechia b̶uud̶eeba jaradea panuu.

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.