Popular Bible Verses from 2 Corintios 12

Share

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

Biawãra ara mʉ ʉ̃rʉbena biꞌia berrea kʉ̃ria basirã mʉ kʉ̃risiaswãe nii kĩra berreabasii, biawãra bed̶ea berreai basiid̶eeba. Maamina mʉ maka berreawẽma ab̶au bid̶a mʉ biꞌia b̶uu kʉ̃risiarãad̶amera. Maumaarã mʉʉba kʉ̃ria b̶uu machiba mʉ ʉ̃rʉbena arakʉd̶e kʉ̃risiad̶ai mʉʉba wau b̶uu unu panuud̶eeba maud̶e mʉʉba jaradea b̶uu ũri panuud̶eeba. Dachi Akõreba mʉʉmaa bajãad̶e unubid̶a ãrea bibuara b̶uasii. Maamina mʉʉba ara mʉ ʉ̃rʉbena ãrea biꞌia kʉ̃risiarãamera, Dachi Akõreba mʉʉmaa puꞌuabisii ʉriba su nub̶uu kĩra. Satanasba bʉid̶aba maka waubarii.