Popular Bible Verses from 2 Corintios 1

Share

Dachi Mechiu Jesucristo Bajãad̶ebena Akõremaa biꞌia berread̶ai panuu. Ichi dachi kĩra chuburiabarii Dachi Akõrebʉ, dachi sõ kĩrajʉʉbiabarii Dachi Akõrebʉ. Ne jomad̶e ãrea biꞌiwãe panuud̶e ichiba dai sõ kĩrajʉʉbiabarii waabenarã ãrea biꞌiwãe nuree sõ kĩrajʉʉbiad̶amera ichiba dai sõ kĩrajʉʉbiad̶a kĩra.

Biawãra Cristo baita dai ãrea biꞌiwãe duanubadamina ichid̶eeba ne jomad̶e kĩrajʉʉbadau.

Biawãra dai bead̶ai kʉ̃risiasid̶au. Maamina joma makasii ara dai du ab̶a poyaa karibad̶ai kʉ̃risiarãad̶amera maumaarã chi biuped̶aad̶a chokae jiradubibarii Dachi Akõreba karibai ijãad̶amera.

Dachi Akõréburu dai maud̶e machi sid̶a Cristo ome ãrea nu ua b̶uu. Ichiba dachi jʉrʉ adausii. Ichi Jauriba dachicha dauchaa b̶usii dachiba ichid̶irã kuitaad̶amera. Maud̶e dachi sõd̶e b̶usii kuitaad̶amera joma ichiba deai jarad̶a biawãra adaud̶ai.

Maamina dai maka ãrea biꞌiwãe panuu machi sõ kĩrajʉʉbia panad̶amera maud̶e kachiruad̶ebena wãd̶amera. Dachi Akõreba dai sõ kĩrajʉʉbiaruud̶e machi sid̶a daid̶eeba kĩrajʉʉbadau. Maka machi dai kĩra ãrea biꞌiwãe paneeduud̶e poyaa dauchia jãaduad̶ai.