Popular Bible Verses from 1 Timoteo 4

Share

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

Ara bichi ʉ̃rʉbena maud̶e bichiba jaradea b̶uu ʉ̃rʉbena kauwa b̶uase. Joma mau jipa wau nibase. Maka wau niibʉrã bichi karibai. Bichiba jaradea b̶uu ũri panuu sid̶a karibad̶ai.

Dachi Akõre Jauriba arakʉd̶e jara b̶uu nau kaad̶ebena ewarid̶e waabenarãba Cristod̶e ijãa panaped̶aad̶a ida b̶ud̶aped̶a jai kachirua seta id̶aa nuree maud̶e ãchiba jaradeabi panuu ijãad̶ai.

Nabẽraed̶ebena nebʉrʉbadau kachirua b̶ee ida b̶use. Dachi Akõreba kʉ̃ria b̶uu kĩra nibai baita jʉrʉse.

Mʉ jãmaa wãaruumisa, jomaurã daad̶e Dachi Akõre bed̶ea jĩwa ed̶a jarase, jaradea b̶uase maud̶e ãbarã aid̶a b̶uase biꞌia ijãad̶amera.