Popular Bible Verses from Jakariya 9

Share

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

M be keleraŋ sareetoolu* buruka la Efurayimu* le, ŋa Yerusalaamu la keleraŋ suwoolu fanaa buruka, ŋa daŋ ke kalabeñoo la. Ali la mansa be kayiroo naati la bankoolu kaŋ ne, biriŋ fankaasi ka taa fankaasi, ka bo Yufurati Boloŋo to ka taa fo duniyaa daŋo to.

Wo luŋo la, Yaawe, ì la Alla be ì tanka la le, kaatu a la dimbaayaa moolu le mu ì ti. Ì si ñeliñeli a la bankoo kaŋ ko bere ñiimaalu, ì ka mansanaafoo ñarandi mennu la.