Popular Bible Verses from Acts 5

Share

Петра пӑ па апостоләт йŏхԓы йастәсәт: «Хŏйатәта пŏнман, мўӈев Турма аршәк хуԓәтты мосәԓ.

Щӑԓта кашәӈ хӑтәԓ Турәм Хотән пӑ хотәтән Иисус Христос эԓты утәԓтәты пӑ Йӑм Айкеԓ туты ӑт вŏԓыԓысәт.

Туп Петра йастәс: «Анания! Мўй урәӈән нӑӈ сӑмен хиԋа ўты эсәԓсэн. Мўйа нӑӈ Йэмәӈ Ԓыԓа олмащисән пӑ мўв тынэн эԓты и шупәԓ хӑԋатсэн? Мўй нӑӈ тӑйсән, ӑнтом мўй нӑӈен ус, пӑ тыныйәм сӑхат мŏщатәм ŏтэн ӑнта мўй нӑӈ йурэнән ус? Мўй урәӈән тӑми нӑӈ сӑмена пŏтсэн? Нӑӈ ӑнта хŏйатәт, Турәм ԓэпәԓсән». Щи йасӈәт хуԓмаԓ кемән, Анания щӑх рӑкнәс; пӑ щит хуԓәнтәм ŏтәт хŏԓ ун пӑԉщәмән йŏхәтсайәт.

Ин па, нынана пŏтәртԓәм, пўӈԓа мӑнаты тӑм хŏйатәт эԓты пӑ ԓывиԓаԓ хӑйаԓән; тӑм вер – хŏйатәт эԓты ки, ԓўв лакки шўкаԓәԓ, Турәм эԓты ки, нын ԓўвеԓ шўкатты ӑт верәтԓәԓән; шаващаты, нын Турәм йэщаԓт уԓты аԓт питԓәты».